COVID-19: Mizoram dinhmun

April 16, Zirtawpni khan Mizoramah Covid-19 vei mi 62 hmuh chhuah a ni a, thla nga vel chhunga hmuh tam ber ní a ni. April 17, Inrinni khan hripui vei mi 50 hmuh chhuah leh a ni bawk a; ni hnih chhungin mi 112 hmuh a ni. Inrinni khan mi 12 leh nimin khan mi 15 chhuahtir an ni thung.

ICU-ah mi 2 awm
Vawiin tlai dar 5 dinhmun angin, State Referral Hospital-ah Covid-19 vei mi 28 enkawl mek an ni a, an zinga pahnih chu ICU-ah awmin, ventilator hmantir ve ve an ni. Mi dang 26 chu Isolation ward-ah an awm a, harsatna lian tham nei an awm lo. ZMC laboratory chu vawiin hian khâr a ni a, swab sample endik a ni lo.