IKK Ṭhalai Pawl rorel inkhawm

Central Isua Krista Kohhran Thalai Pawl chuan general conference neih loh kuma an neih ṭhin Rorel Inkhawmpui vawi thumna chu March 15 aṭanga nizan thleng khan Hmunṭha IKK biak-inah an hmang a, thupui chu 'I vanglai hian i siamtu hre reng rawh,' tih a ni.

Inrinni khan Central IKK Ṭhalai Pawl leader Upa H Vanlalduha kaihhruaiin rorel a ni a; an thurel zingah - ramthar pual atan ṭhalai member-te'n kum 2019-20 chhunga ni khat hlawh Central-a chhûn luh te, branch din lohna khuaa IKK kohhran mi ṭhalai awmte ṭhalai pawl member an nih theih nana hmalakte a tel. Kum 2019-2021 chhunga Central IKK Ṭhalai Pawl office bearer tur an thlang bawk.