Durra Chawngthu leh H Lalringa Sûlhnute Lungleiah zirho a ni

Mizoram Academy of Letters (MAL) Joint Headquarters, Lunglei chuan March 15, 2019 khan YMA Sub-Headquarters Lunglei office conference hall-ah Durra Chawngthu leh H Lalringa sûlhnu zirhona, sate level se­minar an buatsaih a; PC Lawmkunga, IAS (Rtd.) khuallian a ni.

Seminar hi MAL Lunglei president C Hrangdula'n a kaihruai a; khuallian PC Lawm­kunga chuan, thu leh hla chawi lârna atana seminar buatsaihtu a ni chu lawmawm a tih thu sawiin, "Kan hránghlui mithiamte lakah bat tam tak kan nei a, an thu leh hla hnutchhiah hlu takte ngaihlutu mithiam an lo chhuak zel hi ṭhangtharte tan thil hlu tak a ni," a ti.

Seminar-ah hian TC Jonunsanga’n 'Durra Chawngthu leh a sûlhnu' tih thupui a sawi a, F Lalzuithanga’n 'H Lal­ringa leh a sûlhnu' tih thupui a sawi thung.