Chawnhù-ah rally buatsaih

March 15, 2019 khan Social Welfare department (SWD) chuan Chawnhu, Lawngtlaiah Pradhan Mantri Matru Vandana Yojana (PMMVY) hnuaiah IEC Campaign Rally leh Poshan Pakhwada Rally an huaihawt a; Lawngtlaia ICDS officer Vanlalhruaii leh Lawngtlai child development project officer (CDPO) Hlawnchii te hoin SWD-a thawkte leh naupangte'n hun an hmang.

PMMVY hnuaiah hian kum 2017 hnu lama nau pai leh nau pawmte hnenah nu leh naute inenkawl nan ṭanpuina Rs. 5,000 pek theih a ni a, he hamṭhatna dawng tur hian mahni awmna veng anganwadi centre hnai berah nau pai aṭanga ni 150 ral hmain inziah luh a ngai. Ṭanpuina hi sorkar aṭang leh hmun dang aṭanga nau pai ṭanpuina dang dawng theite tan erawh dil theih a ni lo.

Kum 2018 aṭanga March 2019 thlengin Lawngtlai district-ah mi 2,682-in PMMVY hnuaiah ṭanpuina an dawng tawh a, ṭanpuina sum pek chhuah tawh zat chu Rs. 26,82,000 niin, sum chu a diltu bank account-ah direct benefit trarsfer hmanga thun ṭhin a ni.