PRISM MP candidate - Lalvenchhunga

PRISM party chuan nimin khan an adviser R Zamawia in, Tuivamitah Lok Sabha inthlana an candidate tur an puang. Candidate puanna inkhawm hi PRISM treasurer HK Liansawta'n a kaihruai a, president Vanlalruata'n an candidate tur chu TBC Lalvenchhunga, Champhai a nih thu a puang a ni.

TBC Lalvenchhunga chuan, politics chu poli­tician-in an hmachhawn a ngaih thu sawiin, "Party ṭha chuan politician ṭha a chher chhuak tur a ni," a ti a; Mizorama political history-ah party dangte'n Aizawl páwn aṭangin MP atana candidate an la siam ngai loh thu a sawi bawk.

TBC Lalvenchhunga s/o TBC Lalthangliana hi Kelkang, Champhai district-ah a piang a, a nu leh pate leh a nupui fanaute nen Champhai Vengthlangah an cheng mek. Amah hi Champhai district-a PRISM pre­sident a ni.