Tuipang HEP 2021-ah zawh beisei

Power & Electricity minister R Lalzirliana chuan INC member KT Rokhaw zawhna chhangin, Tuipang Hydel Project siamṭhat mek chu March 2021-ah zawh hman beisei a nih thu leh, MS Amazon Engineering, Vaivakawn-in an thawh thu nimin khan Assembly House a hrilh.

Zawh belhna chhangin R Lalzirliana chuan, tun dinhmuna sorkarin hydro electric power project siamna tura a bawhzui mekte chu - kawlphetha megawatt 210 pe chhuak thei tur Tuivai HEP leh megawatt 24 pe chhuak thei tur Tuirini HEP a nih thu a sawi. "Tuivai hi investigation tih mek a ni. Tuirini hi chak taka bawhzui mek a ni," a ti a; heng atan hian BRICS aṭanga loan cheng vbc. 400 chuang lak phalna hmuh a nih tawh thu a sawi bawk.