Social media-a thu dik lo thehdarhtu man belh zel

Mizoram police-te chuan Covid-19 chungchanga social media-a thu dik lo thehdarh vangin tun hnai khan mi man an nei nual. Police thuchhuah tarlan danin, April 6, Thawhṭanni zan dar 10 vel khan Whatsapp-ah, Myanmar ram Chikha khuaa mi pahnih positive, China aṭanga hawte an khua aṭangin a tlanbo a, Mizoramah luh an tum thu vel thehdarh a ni. Hei hi thu dik lo a nih avangin police-te'n an chhui zui a, a thehdarhtu mi pathum - SSA zirtirtu pakhat, Sialkal Group YMA Finance Secretary leh Hrianghmun Branch YMA Executive Committee member-te chu an man. An pathum hian nimin khan Ngopa Police Station-ah thu zawhfiah an ni a; a bul tumtu ber Hriang hmun khaw mi kum 36 mi lakah thubuai ziah a ni.

April 6 vêk khan Face book-a 'Mizo Special Report' leh a dangteah, Vairengteah chuan doctor ni lo, police duty-te’n Mizorama vai lut turte enfi ahna hmangin an temperature sàn leh sàn loh an en a, awlsam takin Mizorama an luh zung zung thu te, 'Eng nge inkharkhipa inhrem a ṭulna?' tihte leh sorkar hmalaknate thu belhchian dâwl lo hmanga sawiselnate a post a ni.

Thu post hi thu dik lo a nih avangin Vairengte damdawi-ina Medical Offi cer chuan Vairengte Police Station-ah FIR a thehlut a, a ziaktu/post-tu Lunglei mi chu police-in an man a, thubuai pawh Lunglei PS-ah sawn a ni. April 1, 2020 zan aṭang a Whatsapp group hrang hranga thu dik lo leh mi tibuai thei thu thehdarh chungchangah police-te chuan April 5, Pathianni khan a post hmasa bertu (originator) Aizawla mi pakhat, kum 68 mi chu chhui chhuakin, thu an zawtfi ah a, a post ṭan ngei a nih thu police hmaah a puang. A lakah hian police-te chuan Aizawl PS-ah thubuai ziah luh a nih rualin, "Kum lama upa tawh, prominent citizen niin, tlânbo mai tur chi a nih loh vangin man rih loh a ni," police thuchhuah chuan a ti.