District tihpuitlinna tur Budget-ah sum dah a ni

Thla li (April-July 2019) chhunga Mizoram sorkar sum hman tur Vote on Account Rs. 33,54,65,96,000 nimina Assembly House-a pharh tâkah kum 2008-a district headquarters-a puan tawh Saitual, Khawzawl leh Hnahthial tihpuitlinna tur sum dah a ni a; a vaiin cheng nuai 450 dah a ni.

Demand for Grants-a a lan danin, district thar pathum tihpuitlinna atan hian cheng nuai 150 ṭheuh dah a ni a; cheng nuai 150 ṭheuh chu hmanna tur thil chi sarihah ṭhen darh niin, ṭhen dan pawh a inang vek a ni.

District thar pathum tara sum dah cheng nuai 150 ṭheuh hmanna tura ruahman chu - salary atan cheng nuai 105, medical treatment atan Rs. 2,00,000, domestic travel expenses atan Rs. 5,00,000, office expenses atan Rs. 20,00,000, rents, rates & taxes atan Rs. 5,00,000, other edministrative expenses-ah Rs. 8,00,000 leh, other charges-ah Rs. 5,00,000 a ni.