TDS la lo turin SBI-in hma la

State Bank of India (SBI) chuan Tax Deduc­tion at Source (TDS) chungchangah March 18, Thawhṭanni khan thuchhuah an siam a; Mizorama SBI hotute'n Mizo mipui aṭanga TDS lak a nih lohna turin theihtawp an chhuah thu leh, hma an lak zel dawn thu an tarlang.

SBI chuan, TDS lak chu Mizorama SBI duh dan a ni lo a, Income Tax dan zulzuia SBI-a sorkarin a kalpui tak a nih thu an tarlang a, "Hun kha leh chen Mizoram bikah TDS la lo tura siam a nih laiin, Income Tax pe ngei tur si, TDS lak loh an awm avangin bank system-te TDS deduct tura configure tura tih a ni," an ti.

TDS la lo turin Mizo­ram SBI-in Mumbai-a SBI hmunpuiah hma an la nghal tih sawiin, "Mizoram sorkar pawhin hma a la jmek bawk," an ti a; hma an lak chhunzawm zel tur thu an tarlang.

NGO Coordination Committee-te chu SBI office zawng zawng dan an tum chungchang ngaihtuah nawn leh tura an duh thu an tarlang a; NGO Coordination Committee-te biak an tumna an lo hnâwlsak avangin, eng pawh lo thleng se, Mizoram mipui harsatna hrang hrang thleng theiah hrethiam turin an ngen a ni.