Chawimawina hlân

Sipai huaisen chawimawina (gallantry award) Sena Medal dawngte hnena Mizoram sorkarin chawimawina a pek ṭhin Rs. 3,00,000 chu nimin khan Assam Regiment-a Sub. K Laldingliana hnenah hlân a ni. Covid-19 léng avangin Sena Medal hi tih dan pangngaia hlan a remchang lo a, chuvang chuan nimin khan Sainik Welfare & Resettlement director Surg.Lt.Cdr. Lalnuntluanga'n a pisaah a hlân. Sub. K Laldingliana hi October 22, 2019 khan Srinagar, Jammu & Kashmir-a Rajpura khuaa mi firfiakte beihnaah telin, mi firfiakte bei hmasa bertu a ni a, mi firfiak pathum an kah hlum avangin Sena Medal hlan a nih thu, Surg. Lt. Cdr. Lalnuntluanga chuan a sawi.