COVID-19: Mizoram dinhmun Hripui vei 45 hmuh belh a ni

April 18, Pathianni khan Mizoramah Covid-19 vei mi 45 hmuh chhuah a ni a, an zingah natna lang chhuak mi paruk an awm. Nimin khan hripui laka fihlim tawh mi pakua chhuahtir an ni.

Covid-19 vei hmuh tharte chu RAT hmanga hmuh chhuah vek niin, mipa 29 leh hmeichhia 16 an ni a; ZMC laboratory-ah swab sample endik a ni lo a, TrueNAT-PCR hmanga sample endik zing­ah hripui vei an awm lo.

Kumin April thlaah Pathianni thleng khan Covid-19 positive mi 433 hmuh chhuah a ni tawh a, chawh rualin, ni tin mi 24.06 zel hmuh chhuah an awm ang a ni.

Mizoramah Covid-19 vei mi 4,904 hmuh chhuah a ni tawh a, mipa 3,494 leh hmeichhia 1,410 an ni. Nimin tlai dar 5 thleng khan mi 4,518 (92.13%) chhuahtir an ni tawh a, mi 12 (0.24%) thi tawhin, enkawl mek mi 374 (7.63%) an awm.

April 18, Pathiannia swab sample endik dan chu, TrueNAT-PCR hmangin Mamitah panga leh RAT hmangin district pariatah 602 a ni a; sample endik zawng zawng chu 607 (mipa 408 leh hmeichhia 199) niin, chu'ng aṭanga hripui vei hmuh 45 chu 7.41% a tling.

Pathiannia Covid-19 vei hmuh chhuah mi 45 zinga mi 40 chu Mizorama kái chhâwng nia hriat niin, mi panga chu state páwn aṭanga rawn lut hlim leh tun hnaia rawn lutte an ni a; tualchhunga kái mi 40 zingah hri kàina hriat loh 27 an awm. Covid-19 natna lang chhuak mi paruk an awm bawk.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,720 hmuh chhuah a ni tawh a, TrueNAT-PCR hmangin 709 leh RAT hmangin 1,474 hmuh chhuah a ni tawh.

Hripui laka fihlim tawh mi pakua chu nimin khan enkawlna hmun aṭangin chhuahtir an ni a; SRH-ZMC aṭang leh Durtlang BSUP CCC aṭangin mi pahnih ve ve, Lunglei Pûkpui CCC aṭangin mi pathum leh, Serchhip Nursing School CCC leh Champhai CCC aṭangin mi pakhat ve ve an chhuak a ni.

IDSP Bulletin tarlan danin, April 18, 2021 thlengin Mizoramah swab sample 2,75,600 endik a ni tawh a, chu'ng aṭanga Covid-19 positive hmuh tawh zat 4,904 chu 1.78% a ni. Hripui vei hmuh tawh zinga mi 2,349 chu Mizoram chhunga kái chhâwng an ni a, mi 2,555 chu Mizoram páwn aṭanga an rawn luh hnua hmuh chhuah an ni thung.

Covid-19 vei hmuh tharte
Bethlehem Veng - 1: Hmeichhia kum 6, positive nena inkungkaih, symptom nei lo.
Bethlehem Vengthlang - 2: Mipa kum 27 & 40, April 11-a Karimganj aṭanga rawn lut, symptom nei lo.
Chanmari - 1: Mipa kum 23, symptom a neih vanga sample endik, hri kaina hriat loh.
Chhinga Veng - 1: Mipa kum 41, April 10-a Guwahati aṭanga haw, symptom a neih vanga sample endik.
Electric Veng - 1: Hmeichhia kum 23, symptom a neih vanga sample endik, hri kaina hriat loh.
Hlimen - 1: Hmeichhia kum 35, hri kaina hriat loh, symptom nei lo.
ITI Veng : Hmeichhia kum 20, hri kaina hriat loh, symptom nei lo.
Kanan Veng - 1: Hmeichhia kum 25, positive nena inkungkaihna nei, symptom nei.
Melthum - 19: Mipa 18 leh hmeichhia 1, nausen thla 8 - kum 45 inkar, hri kaina hriat loh, symptom nei lo vek.
Saikhamakawn - 3: Mipa kum 29 & 53 leh hmeichhia kum 25, hri kaina hriat loh, symptom nei lo.
Tuikual North - 2: Mipa kum 28 leh hmeichhia kum 31, hri kaina hriat loh, mipain symptom a nei.
Borkolok - 10: Mipa 3 leh hmeichhia 7, kum 9-65 inkar, positive contact nei, Biju festival hmannaa inkài darh, symptom nei lo vek.
Zorinpui - 1: Mipa kum 46, positive nen inkungkaihna nei, symptom nei lo.
Kolasib Hmarveng - 1: Hmeichhia kum 62, Uttar Pradesh aṭanga haw, Vairengte screening point-a endik, symptom nei lo.