Hmeichhia kutthlak duh lohna lantir

Sesawng Branch MHIP chuan nimin khan an khuaa hmeichhe pakhat kutthlak an duh lohzia leh hmeichhe chunga hleilenna an duh lohzia an lantir.

Sesawng MHIP thuchhuah tarlan danin, Lalṭhahuni d/o S Hminga, Sesawng chu Kapmawia s/o R Salsawma, Sesawng chuan April 15, 2021 zan khan a hnek thlu a, chemtêin vawl li a vit zui a ni.

Hmeichhia hnek thlu a, thah tuma chemtea vittu Kapmawia chu an dem tak zet thu tarlangin Sesawng MHIP chuan, "Sorkar leh roreltute'n Lalṭhahuni thah tuma beitu hi a na thei anga hremna an pek ngei kan phût tlat a ni. Pawi khawihtu Kapmawia hian Lalṭhahuni damdawi-in awmna senso zawng zawng a tumsak bakah, a fate nen an inenkawlna pawh pe vek turin kan phut a ni," an ti.