Zophaiah kutthlak loh an rêl

Nimin khan Gharmura, Assam-a CRPF camp-ah Mizorama Mamit leh Kolasib DC leh SP-te leh, Assam-a Hailakandi DC leh SP ten ramria remna leh muanna a awm theihna atan thawhhona tur hrang hrang an sawiho a; Barabi Zophaiah a tu lam mah mahin kutthlak loh ni se, an ti.

Meeting-ah hian Hailakandi DC chuan, state pahnih inkara remna leh muanna a awm theihna tura meeting buatsaih a ni chu lawmawm a tih thu a sawi.

Mamit district bawrhsap Dr Lalrozama pawhin, MLA inthlan zawh taka ramri depa awmte tan buaina leh harsatna awm loa zawh a ni chu lawmawm a tih thu a sawi a, MP inthlan lo awm turah pawh ramri hrûla awmte tan harsatna awm loa zawh leh a beisei thu a sawi a ni.

Meeting-ah hian DC-te chuan dan leh thupek kenkawhna kawngah dan bawhchhia an awm a nih chuan khawng takin thil tisualtute dap chhuah kawngah lungrual taka ṭanho an rél a; Zophaia buaina chungchang sawi chhuah niin, ramri ve veah dan awm sa angin tuma'n kutthlak loh ni se, an ti. Assam lam ramri depah chutiang anga hmalakna a awm a nih chuan enfiah nghal ni se, an ti bawk.