Library chungchangah inhmu khawm

March 19-20 chhung khan Lal Thanhawla Auditorium-ah 12th. State Level Library Seminar & Training for Rural Libraries in Mizoram buatsaih a ni a, sorkar pawmpui YMA branch hrang hrang library leh NGO dang library aiawh mi 285 telin, Mizoram Library Assembly General Assembly an hmang nghal.

Mizoram Library Assembly General Assembly hian resolution pathum an pass a; Mizoram Public Libraries Act 1993 a taka hman a nih theih nan hmalak te, kum 2019-20 chhungin district tinah sorkar pawmpui rural library ṭha thlanna buatsaih te, Mizorama high school leh higher secondary school-a library la din lohnaah library din turin sorkara thlente an rêl.

Kum 2019-20 chhung­a Mizoram Library Association office bearer tur an thlang a, president-ah Dr Lalremsiami leh general secretary-ah Dr Lalbiak­sanga Hnamte an thlang a ni.