MP High Court-in OBC quota tihsanna dang

Madhya Pradesh Chief Minister Kamal Nath-a kaihhruai Congress sorkarin an state chhung OBC quota 14% aṭanga 27% a tihsan chu Madhya Pradesh High Court chuan a dansak.

State sorkar hian tun thla tir, March 6 khan an state cabinet chuan OBC quota chu 27% a tihsanna tur hi pawmin, sorkar pawhin hriattirna pawh a lo tichhuak tawh a ni. OBC quota tihsan a nih chungchang hi sorkar chuan sawifiahin, an state mipui zinga 53% vel chu OBC an ni tih sawiin, an chanvote humhalh sak an nih theihna turin an quota tihsan sak chu thil ṭul a nih thu a sawi.

Mahse OBC quota tihsan a nih chungchangah High Court-ah petition thehluh a ni a, Thawhlehni khan court chuan a dansak ta a ni.