Kolasib Sub-Hqrs. YMA-te'n mamawh lâk luh rih loh an rawt

YMA Sub-Headquarters, Kolasib chuan nimin khan Chief Secretary hnenah lehkha an thawn a, hun eng emaw chen chu mipui ni tin mamawh hrang hrang Assam aṭangin Mizorama lâk luh loh ni se an duh thu an thlen. Kolasib district YMA chuan, Assamah Covid-19 kai hmuh chhuah an pun zel avangin Assam aṭanga mipui mamawh chi hrang hrang lak luh rih loh an duh thu tarlangin, "Hei hian buhfai, LPG leh oil huam tel lo se. Sorkar aṭanga loh theih loh thil a awm a nih pawhin escort (venna) hnuaiah fi mkhur taka kal ni se la. Mimal sumdawngte state páwn aṭang a bungraw lak luh phal tawh loh ni rawh se," an ti

KOLASIB YMA RAWTNA DANG

• Mizoram aṭanga lirthei chhuak tur leh state páwn aṭanga rawn lut tur reng reng police checkgate-ah emaw, remchang laiah emaw tihfai (sanitise) phawt.

• Local task force-te hmun kilkhâwr tak takahte ṭhahnemngai takin an duty a, heng hmunte hi kilkhawr leh thingtlang zawkte a nih avangin an mamawh chi hrang hrang district fund aṭanga phuhrûksak vek harsatna chen awm thei a nih avangin, duty-te tan a bika ṭanpuina ngaihtuah.

• Ramria duty tur a tam thei ang ber force (sipai/police) dah belh.