GPP-in kawng siam zui lo

NH-54 km. 70-95, Bilkhawthlir leh Kolasib inkar kawng siamtu GP Project (ABCI) chuan an kawng siam enkawl hna an thawk chhunzawm lo.

Thu dawn danin, GP Project hian an kawng siam hna hi agreement ang chuan, kum thum enkawl tur a nih laiin, kum khat vel chiah an vil a, kum khat a ralin security deposit pawh an lo la chhuak daih tih PWD-in kum 2018 tawp dáwnah an hre chhuak. GP Project chuan kawng siam leh tur angin insawi mahse, nimin thleng khan an la siam lo.

Kolasib-a PWD hotute'n security deposit an lo pek chhuah chhan zawhna an chhan dan chuan, thuneitu lam aṭanga pe tura tih an nih vang a ni.