Delhi-a inkhawm puiah tel lo
Tun hnaia Bûkvannei khaw mi pathumte Delhi-a Mo solman inkhawmpuiah an kal ve anga thuthang awm chu thu dik lo a ni tih Mizoram Police-te'n an fi nfi ah. Mizoram Police aṭanga thu dawn danin, Bûkvannei khaw mi pathum, Delhi-a kal anga sawite chu Mosolman inkhawmpui ve tho Udmari, Assam-ah kumin February thla khan an kal a, lockdown avangin tun thlengin Assamah an la awm. An pathum hian mobile phone hmanga biak tawh an ni a, Mizorama lêt rih lo tura hrilh an ni.
Hetih lai hian, Mizoram Police chuan thuchhuah siamin, Mizoram aṭanga Delhi-a Mosolman inkhawmpuia kal an awm leh awm loh an chhui reng thu an tarlang a, "Mizoram police, Assam police leh Tripura police-te chuan he Muslim inkhawmpuia telte chhui chhuah hna ngawrh takin an la bei zui zel a ni," an ti.