Bike chesualah pahnih thi

Nimin chhun dar 11:30 vel khan New Champhai leh Zotlang inkara RD Filling Station bulah bike a chesual a, bike-a chuang mi pathum zinga pahnih an thi.

Champhai aṭanga thu dawn danin, bike khalhtu Zonunmawia (38) s/o Ngunhleikimi leh Lalrinfela (27) s/o Ralzingi, New Champhai ve vete chu chetsualna hmunah an thi a; Lalrinhlua (24) s/o Hrangchuailova, Khuangleng pawh hliamin, damdawi-in dah a ni. Bike hi kawng sîra tui luankawrah tlân lutin, lungremah an insawh a ni.