Vawk 42 thih belh, 1,098 thi tawh
Nimin khan chawhma lamah Mizoram hmun hrang hrangah vawk 42 a thi leh a, heti hian March 21, 2021 hnuah hri vangin vawk 1,098 a thi tawh.
AH&Vety department aṭanga thu dawn danin, department-in an chhinchhiah dan chuan, nimina vawk thi zat chu Lungsenah 18, Lunglei Electric Vengah pasarih, Rahsi Vengah pariat, Lunglei Salem Vengah paruk, Zawlnuamah pakhat leh Armed Vengah pahnih a ni. Nimina vawk thite chu thla thum aia naupang paruk, thla 3-8 inkar 13 leh thla riat aia upa 23 a ni.
AH&Vety department chuan a hmaa infected area a lo puan tawhte bakah, Lungleia Rahsi Veng leh Salem Veng te, Thaidawr, Bawngkawn leh Keiṭum khuate chu infected area-ah a puan belh leh tawh a ni.
