Fortified Rice scheme kalpui tur sawiho
Food, Civil Supplies & Consumer Affairs (FCSCA) director Ramdinliani hoin nimin khan a pisaah Mamit district-a sorkar laipuiin naupangte zinga thisen tlâkchhamna (anemia) leh chaw ṭha ei lohna (under-nutrition) ûmbo tura hmalakna, Fortified Rice Scheme kalpui dan tur sawiho a ni.
Ṭhutkhawmah hian, fortified rice ṭangkaina leh ṭhatnate mipui hrilhfiahna (awareness campaign) kalpui dan tur te, Mamit district-a cheng ṭawng hrang hrang hmangte'n awlsam zawka an hriatthiam theihna turin ruahmanna an siam.
Fortified Rice scheme hi Integrated Child Development Services (ICDS) hnuaia anganwadi centre hrang hrang leh sorkar sikula mid-day meal scheme kaltlanga sem tur a ni a; naupang zinga thisen tlakchhamna (anemia) leh undernutrition umbo tura hmalakna a ni.
Buhfaiah iron, folic acid leh vitamin B-12 an telh a, buhfai pangngai aiin a man a to deuh a, buhfai pangngai nen 1:100 ratio-a chhum pawlh tur a ni. Fortified rice chu mihring ei atana him a nih thu leh Food Safety and Standards Authority of India (FSSAI) pawhin a him tih an pawm tawh thu an tarlang.
Ṭhutkhawmah hian FCSCA, School Education leh Women & Child Development depart-ment hotute bakah, Food and Drug Administration hotute an tel a ni.