Thla nga leh a chanve hnua Hripui vei hmuh tam ber ní

April 19, Thawhṭanni khan Mizoramah Covid-19 vei mi 91 hmuh chhuah a ni a, thla nga leh a chanve chuang hnua hmuh chhuah tam ber ní a ni. Nimin khan hripui laka fihlim tawh mi 23 chhuahtir an ni thung.

Covid-19 vei hmuh thar mi 91-te chu mipa 46 leh hmeichhia 45 an ni a; ZMC laboratory-a hmuh chhuah pasarih, TrueNAT-PCR hmanga hmuh pakhat leh RAT hmanga hmuh chhuah 83 an ni. Mi 91 zingah symptom nei mi 33 an awm.

Thawhlehnia hripui vei hmuh chhuah hi nikum November 3-a mi 101 hmuh chhuah hnua hmuh tam ber ní a ni a; tun April thla ni 1-19 chhungin Covid-19 positive mi 524 hmuh belh a ni tawh a, chawh rualin ni khatah mi 27.58 zel hmuh chhuah ang a ni.

Mizoramah Covid-19 vei mi 4,995 hmuh chhuah a ni tawh a, mipa 3,540 leh hmeichhia 1,455 an ni. Nimin tlai dar 5 thleng khan mi 4,569 (91.47%) chhuahtir an ni tawh a, mi 12 (0.24%) thi tawhin, enkawl mek mi 414 (8.29%) an awm.

April 19, Thawhṭannia swab sample endik dan chu, ZMC laboratory-ah 228, TrueNAT-PCR hmangin district pasarihah 47 leh RAT hmangin district 11-ah 1,763 a ni a; sample endik zawng zawng chu 2,038 (mipa 1,320 leh hmeichhia 718) niin, chu'ng aṭanga hripui vei hmuh 91 chu 4.46% a tling.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,727 hmuh chhuah a ni tawh a, TrueNAT-PCR hmangin 710 leh RAT hmangin 1,557 hmuh chhuah a ni tawh.

Thawhṭannia Covid-19 vei hmuh chhuah mi 91 zinga mi 59 chu Mizorama kái chhâwng nia hriat niin, mi 32 chu state páwn aṭanga rawn lut hlim leh tun hnaia rawn lutte an ni a; tualchhunga kái mi 59 zingah hri kàina hriat loh 35 an awm. Covid-19 natna lang chhuak mi 33 an awm bawk.

Hripui laka fihlim tawh mi 23 chu nimin khan enkawlna hmun aṭangin chhuahtir an ni a; SRH-ZMC aṭangin mi pakhat leh Durtlang BSUP CCC aṭangin mi 22 an chhuak a ni. IDSP Bulletin tarlan danin, April 19, 2021 thlengin Mizoramah swab sample 2,77,688 endik a ni tawh a, chu'ng aṭanga Covid-19 positive hmuh tawh zat 4,995 chu 1.80% a ni. Hripui vei hmuh tawh zinga mi 2,408 chu Mizoram chhunga kái chhâwng an ni a, mi 2,587 chu Mizoram páwn aṭanga an rawn luh hnua hmuh chhuah an ni thung.

Covid-19 vei hmuh tharte
ZMC-A HMUH CHHUAH - Mi 7
Zarkawt - 1: Hmeichhia kum 23, April 13-a Guwahati aṭanga haw, symptom nei lo.
Tuikual - 1: Hmeichhia kum 21, April 12-a Delhi aṭanga haw, symptom nei lo.
Bungkawn - 1: Hmeichhia kum 31, April 10-a Delhi aṭanga haw, symptom nei.
Bethlehem Vengthlang - 1: Hmeichhia kum 33, symptom neih vanga sample endik, kaina hriat loh.
Ramhlun North - 1: Hmeichhia kum 24, April 12-a Delhi aṭanga haw, symptom nei lo.
Durtlang North -1: Hmeichhia kum 64, April 9-a Delhi aṭanga haw, symptom nei lo.
Khatla - 1: Mipa kum 47, chanchin kimchang tarlan loh.

TRUENAT-PCR-A HMUH - Mi 1
Lunglei Bazar Veng - 1: Hmeichhia kum 20, Karnataka aṭanga haw, symptom nei lo.

RAT HMANGA HMUHTE
Lengpui Airport-a hmuh - mi 25
Lengpui - 3: Mipa kum 33-36, Lengpui Airport ding ṭhin taxi driver, kaina hriat loh, symptom nei lo vek.
Mission Vengthlang - 2: Mipa kum 38 & hmeichhia kum 22; mipa Bangalore aṭanga haw, hmeichhia Noida aṭanga haw, symptom nei lo.
Falkawn - 1: Mipa kum 35, Delhi aṭanga haw, symptom nei lo.
Tlabung - 1: Mipa kum 54, Delhi aṭanga haw, symptom nei lo.
Saikhamakawn - 1: Hmeichhia kum 24, Delhi aṭanga haw, symptom nei lo.
Khatla - 1: Hmeichhia kum 20, Dehradun aṭanga haw, symptom nei lo.
Lunglei - 1: Mipa kum 29, Delhi aṭanga haw, symptom nei lo.
Siaha - 1: Hmeichhia kum 24, Allahabad aṭanga haw, symptom nei.
Hunthar Veng - 1: Hmeichhia kum 24, Allahabad aṭanga haw, symptom nei.
Upper Republic - 1: Hmeichhia kum 24, Allahabad aṭanga haw, symptom nei.
Chaltlang - 2: Mipa kum 35 & hmeichhia kum 19, Dehradun leh Delhi aṭanga haw, hmeichhiain symptom a nei.
Khawzawl - 1: Hmeichhia kum 20, Delhi aṭanga haw, symptom nei.
Sakawrtuichhun - 2: Mipa kum 39 & 46, Jaipur leh Delhi aṭanga haw, symptom nei lo.
Zemabawk - 1: Mipa kum 41, Delhi aṭanga haw, symptom nei lo. Covid-19 vaccine la kim tawh (1st dose March 3 leh 2nd dose April 4)
Dawrpui - 2: Hmeichhia kum 15 & 54, Delhi aṭanga haw, symptom nei lo.
Vaivakawn - 1: Hmeichhia kum 22, Delhi aṭanga haw, symptom nei lo.
Zotlang - 1: Hmeichhia kum 22, Delhi aṭanga haw, symptom nei lo.
Serchhip - 1: Hmeichhia kum 25, Hyderabad aṭanga haw, symptom nei.
Champhai - 1: Mipa kum 23, Delhi aṭanga haw, symptom nei lo.

Aizawla hmuh chhuah - mi 44
Falkland Veng - 1: Mipa kum 31, symptom neih vanga sample endik, kaina hriat loh.
Damveng - 1: Mipa kum 58, symptom neih vanga sample endik, kaina hriat loh.
Khatla East - 1: Mipa kum 61, symptom neih vanga sample endik, kaina hriat loh.
Kanan Veng - 1: Hmeichhia kum 35, symptom neih vanga sample endik, kaina hriat loh.
Electric Veng - 1: Hmeichhia kum 41, positive contact neih vanga endik, symptom nei.
Ramthar Veng - 1: Mipa kum 26, positive contact neih vanga endik, symptom nei.
Zarkawt - 1: Hmeichhia kum 32, positive contact neih vanga endik, symptom nei.
Dawrpui - 2: Hmeichhia kum 38 & 64, symptom neih vanga sample endik, kaina hriat loh.
Chanmari - 2: Mipa kum 20 & 24; kum 20 Punjab aṭanga April 14-a haw, symptom nei; kum 24 symptom a neih vanga endik, kaina hriat loh.
Chanmari West - 2: Mipa kum 29 & 50, kaina hriat loh, symptom nei ve ve.
Tuirial Airfield - 1: Mipa kum 73, April 1-a ram páwn aṭanga lut, symptom nei lo.
Bethlehem Veng - 1: Mipa kum 15, positive contact neih vanga endik, symptom nei.
Bethlehem Vengthlang - 2: Hmeichhia kum 27 & 36, symptom neih vanga endik, kaina hriat loh.
Chhinga Veng - 2: Mipa kum 23 & hmeichhia 32; April 13-a ram páwn aṭanga lut, symptom neih vanga endik.
Chawlhhmun - 1: Hmeichhia kum 25, symptom neih vanga sample endik, kaina hriat loh.
College Veng - 1: Mipa kum 41, mahni infiahna atana sample endik, kaina hriat loh.
Bawngkawn South - 1: Hmeichhia kum 38, SRH-ZMC-a positive enkawl lai awmpuitu, symptom nei lo.
Dawrpui - 1: Mipa kum 70, kaina hriat loh, symptom nei lo.
Mission VT - 1: Mipa kum 34, kaina hriat loh, symptom nei lo.
Mualpui - 1: Hmeichhia kum 93, kaina hriat loh, symptom nei lo.
Tlangnuam - 1: Hmeichhia kum 25, kaina hriat loh, symptom nei lo.
Melthum - 14: Mipa 9 & hmeichhia 5, kum 3-80; kaina tak hriat loh, symptom nei lo vek.
Damveng - 4: Mipa kum 28 & 34 leh hmeichhia kum 17 & 18, chhungkaw khata cheng; positive contact nei, symptom nei 3.

Serchhip district-a hmuh - mi 3
Chhingchhip Mualpui - 2: Hmeichhia kum 21 & 38; kum 21 positive contact nei, symptom nei; kum 38 April 12-a Ahmedabad aṭanga haw, Lengpui Airport-a RAT negative tawh, symptom neih vanga endik leh.
Sainik School - 1: Hmeichhia kum 32, positive contact neih vanga endik, symptom nei.

Lawngtlai dist-a hmuh - mi 10
Borkolok - 9: Mipa 7 & hmeichhia 2, kum 6-60 inkar; positive contact nei, symptom nei lo vek.
Parva-IV - 1: Hmeichhia kum 24, positive contact neih vanga endik, symptom nei lo.

Kolasib dist-a hmuh - mi 1
Armed Veng - 1: Hmeichhia kum 31, Guwahati aṭanga haw, Vairengte screening point-a endik, symptom nei lo.