MNF party-in lawmthu an sawi

MNF party chuan thuchhuah siamin, Pathian hruainaa Serchhip bial Assembly by-election tluang taka zawh a ni chu lawmawm an tih thu an tarlang.

Inthlana vote thlaktu mipui chungah an lawm tih MNF chuan tarlangin, "A bik takin kan candidate Pu Vanlalzawma min vote puitu zawng zawng chungah thinlung takin lawmthu kan sawi a ni," an ti.

MNF chuan, inthlanna felfai tak neih a nih theihna tura thawktu sorkar official te, dan leh thupek kengkawhtute leh inthlanna thianghlim a awm theihna tura hma latu MPF chungah te, campaign hun laia theihtawp chhuahtute chungah an lawm tih an tarlang bawk.