MLA leh Councillor-te'n tlawh

Aizawl South-II bialtu MLA Lalchhuanthanga leh AMC Ward-XVIII bialtu councillor Malsawmzuala Ralte te chuan nimin khan an bial chhunga Damveng an tlawh a, Covid-19 vei an neih mek chungchanga hmalak dan tur leh ṭul dangte an sawipui.

Lalchhuanthanga leh Malsawmzuala Ralte te hian Damvenga quarantine facility hman tur leh ṭul danga an hman turin disinfectant, hand sanitizer leh pawisa fai an pe a; an bial chhunga veng dang - Venghnuai, Salem Veng leh ITI Venga local task force-te an tlawh bawk a; hri léng mek chungchang sawipuiin, a ṭul dan apianga thawhho a, hmalakho zel ni se, an ti.