COVID-19 VANGIN BURHANPUR-AH MIZO PASTOR MISSIONARY A THI

Rev. V. Lawmkima (70), Venghlui, Aizawl, tuna Burhanpur, Madhya Pradesh-a missionary-a awm mek chu vawiin April 21, Nilaini chawhma dar 10 vel khan Covid-19 vangin All is Well Hospital, Burhanpur-ah a thi. Thu dawn danin, Rev. V Lawmkima hi Mizoram Presbyterian Kohhran hnuaia pastor/minister a ni a, kum 2011 khan a pension. A pension hnuah Thlarau Bo Zawngtute (TBZ) zawmin, missionary-in a chhuak a, TBZ Mission Field, MP-ah field director a ni. A nupui Lalrinpuii pawhin Covid-19 a vei mek a, damdawi-inah enkawl mek a ni.