Hmun pahnihah NE NSS Festival

National Service Scheme (NSS) Cell, Mizo­ram chuan March 18-22, 2019 chhunga Sonapur, Assam-a NE NSS Festi­val 2019 neihah NSS volunteer 38 a tîr a; March 23-27 chhunga Itanagar, Arunachal Pradesh-a NE NSS Festival neih mekah NSS volunteer 30 leh programme officer pahnih a tír mek bawk.

NE NSS Festival hi Guwahati-a Don Bosco University, Sonapur-ah neih a ni a, India hmar-chhak state hrang hrang aṭangin NSS volunteer 500 chuang telin hun hlimawm tak an hmang a; hnam inpumkhatna lam hawi thupui sawihona leh cultural programme-te an hmangho a ni.

Arunachal Pradesh-a NE NSS Festival chu Don Bosco College, Itanagar-ah neih a ni a, hmarchhak state pariat aṭangin NSS volunteer 600 vel an tel. Hnam inpumkhatna lam hawi thupui an sawiho bakah, cultural item, de­bate leh elocution hmanga intihsiakna hun hman a ni.