Covid-19 vei tawh lo chhuahtir dan siamṭha
Health & Family Welfare department chuan thuchhuah siamin, Covid-19 veite enkawl an nihna hmun aṭanga chhuahtir (discharge) leh enkawlna tihtawp chungchanga inkaihhruaina (guidelines) September 25, 2020-a tihchhuah tawh chu tihdanglam a nih thu an tarlang.
Covid-19 discharge protocol thar
Symptom nei lo:
→ Positive tih hmuh chhuah aṭanga ni 10 chhung uluk taka enthlak an ni ang a, ni 10-naah RAT hmanga test nawn tur.
→ Ni 10-naa RAT-ah a negative chuan chhuahtir theih a ni a, chhuah ní aṭanga ni sarih chhung ṭha takin inkhung hran (strict home quarantine) zui tur.
→ Ni 10-naa RAT-ah a la positive chuan ni 4 dan zelah RAT tih zel tur a ni a, a negative hnuah chauh chhuahtir tur a ni.
→ Ni 20 hnuah pawh a la positive chuan enkawltu doctor-te'n District Core Team for Covid Treatment an ráwn ang a, anni'n a ṭul angin ZMC Core Team an ráwn leh ang a, kalpui zel dan tur an rél ang. Aizawl district-ah chuan enkawltu doctor-in ZMC Core Team an ráwn ang. Chhuahtir an nih hnuah ni 7 dang uluk takin an inkhung hrang zui tur a ni.
Symptom nei nasa lo:
→ Natna lang chhuakte zingah natna a lan chhuah aṭanga ni 10-na aṭanga chhiar leta ni thum chhung aia tlem lo khawsik a neih loh a, oxygen saturation 95% aia sang a nih chuan RAT hmanga endik tur a ni.
→ Ni 10-naa test-ah a negative chuan chhuahtir theih a ni a, chhuah ní aṭanga ni 7 chhung in lamah ṭha takin a inkhung zui ngei tur a ni.
→ Ni 10-naa test-ah a la positive chuan, ni 4 danah test nawn zel tur, result a negative hunah chhuahtir theih a ni a, chhuah ní aṭanga ni 7 chhung in lamah uluk takin a inkhung chhunzawm ngei tur a ni.
→ Ni 20-naah pawh a la positive a, mahse, a tàwp lam ni thum aia tlem lo khawsik a neih loh a, oxygen saturation 95% aia sang a nih chuan, doctor-te'n District Core Team an ráwn ang a, anni'n ZMC Core Team an ráwn leh ang a, kalpui zel dan tur an rél ang. Aizawl district-ah chuan doctor-in a ṭul angin ZMC Core Team an ráwn thei. Chhuahtir an nih chuan ni 7 chhung in lamah uluk takin an inkhung zui ngei tur a ni.
Natna benvawn nei leh na zual:
→ Covid-19 vei damlo na zual leh natna benvawn neite chu ni thum chhung khawsik an neih tawh loh a, ni thum chhung oxygen saturation 95% aia sanga nih chuan RT-PCR hmanga endik tur a ni a; result azirin a hnuaia mi ang hian endik/enkawl tur a ni.
→ RT-PCR test result a negative chuan chhuahtir theih a ni a, chhuah ní aṭanga ni 7 chhung uluk takin inkhung hran zui ngei tur.
→ A la positive chuan, ni 4 hnuah RT-PCR hmangin test leh tur. A la positive zel chuan ni 28 chhung chu ni 4 dan zelah test tur a ni.
→ Ni 28 hnuah pawh la positive zel mah se, a tàwp lam ni thum chhung emaw, a aia rei emaw khawsik a neih loh a, oxygen saturation 95% aia a sàn chuan, enkawltu doctor-te'n District Core Team an ráwn ang a, anni'n ZMC Core Team-te an ráwn leh ang a, kalpui zel dan tur an rêl ang. Aizawl district-ah chuan enkawltu doctor-in ZMC Core Team an ráwn nghal thei. Chhuahtir an nih chuan, chhuah aṭanga ni 7 chhung inah uluk takin an inkhung zui ngei tur a ni.