Mizoram hmasawnna ka thlen ang - Nirupam Chakma
April 11, 2018-a Lok Sabha inthlanpui awm tura BJP candidate Nirupam Chakma chuan, thlan tlin a nih chuan Mizoram hmasawnna a thlen tur thu a sawi.
Nirupam Chakma hian nimin khan BJP, Mizoram Pradesh pisaah thuthar thehdarhtute a kâwm a; MP a nih chuan party dang candidate aiin Mizoram tan thil tam tak a tih theih dawn thu sawiin, "Mizoram politics-ah hun rei tak ka inhmang tawh a, minister kum 10 ka nih chhungin hna chanpual pawimawh tak tak ka lo enkawl tawh ṭhin a ni," a ti.
India ram puma Lok Sabha inthlan lo awm turah zir mite'n BJP chak turin an chhût nia sawiin Nirupam Chakma chuan, "Kei ngei pawhin union minister nih theihna chance ka nei a ni," a ti a; mipuite chu Mizoramin union minister a neih theihna hun ṭha bawh pelh lo turin a ngen.
Nirupam Chakma chuan, thlan tlin a nih chuan ramri chinfel, hna nei lo tam tak awm avanga harsatna awm sutkian leh Mizoram chu zirna hmunpuia dah chu a thil tum hmasak a nih tur thu a sawi a ni.