Larsapin zu khapna dan a pawm

Mizorama zu khapna tura dàn duan, The Mizoram Liquor (Prohibition) Bill, 2019 chu Mizoram Legislative Assembly-in March 20, 2019-a a pass hnuah, Mizoram governor Prof. Jagdish Mukhi chuan nimin khan a pawmpui a, dan puitling (act) a ni ta.

Governor office aṭanga thu dawn danin, Mizoram sorkarin zu khapna dan hman thuai a duh a, hei vang hian session-a MLP Bill pass tawh danah a chan thuai theih nan Governor hi hming sign hnantir turin officer pakhatin Guwahati-ah a kal chilh a; nimin khan Governor chuan 'assent' a lo pe ta a ni.

Lársap Prof. Jagdish Mukhi, Assam Governor ni bawk hi March 12-a Assembly budget session ṭan nía thu a sawi hnuah, Guwahati-ah chhukin, April thla tìr lamah Aizawlah rawn kal a tum nia thu dawn a ni.