Akshay leh Katrina-ten film changdun leh dawn

Bollywood super star Akshay Kumar leh Katrina Katrina Kaif-te chuan film an changdun leh dawn a, nakkum lama tihchhuah tur a ni ang.

Akshay Kumar leh Katrina-te hian film an lo changdun nual tawh a, an inkawp fuh thei cher cher hle. Humko Deewana Kar Gaye, Singh Is Kinng, Namastey London leh kum 2010-a tihchhuah Tees Maar Khan-te chu a larzual an ni a, heng bakah hian film ṭha­hnem tak an lo changdun tawh bawk. Tun ṭuma an chandun lehna tur 'Sooryavanshi' pawh hi a hit leh hle tura ngaih a ni a, Bollywood fans pawh an phur tawh hle.

Sooryavanshi hi Indian film director Rohit Shetty kutchhuak a ni dawn a, nakkum July thla vela tichuah tur a ni. He film-ah hian Akshay Kumar leh Katrina Kaif-te hi an inlan dun dawn tih a chiang tawh a, a changtu tur dang­te rawh confirm a la ni lo thung.

Hetih lai hian kum 35 mi lai ni ve tawh Katrina Kaif hi Salman Khan nen innei mai tur anga sawi rik an ni a, a theng dik a nih chuan Sooryavanshi-ah hian a inlan thei kher lo mai thei. Salman Khan leh Katrina Kaif-te hi Bollywood film ngaihven hlawh 'Bharat'-ah an changdun mek a, June thla hian release a ni ang.