LIRTHEI ENDIK

Covid-19 laka himna tura sorkarin inkhuahkhirhna khauh zawk a kalpui mekah police-te'n lirthei veivâkte uluk takin an lo endik ṭhin. Sorkar thuchhuah tarlan danin, Covid-19 chungchanga sorkarin dan leh thupek bawhchhia April 21, Nilaini khan Aizawl district-ah mi 106 man an ni a, sum chawitir tlingkhawm chu Rs. 12,800 a ni. Dan bawhchhia mante chu hmai tuam lo, inhnaih tak taka awm, vantlang hmuna chil chhâk leh inkhawmnaa záite an ni. Aizawl SP Office record-ah chuan, mihring man zat chu 171, sum chawitir tlingkhawm Rs. 48,300 a ni a; inkhawmnaa zài vanga sum chawitir an nei lo.