COVID-19: Mizoram dinhmun : Hripui vei 73 hmuh belh a ni

April 21, Nilaini khan Mizoramah Covid-19 vei mi 73 hmuh chhuah a ni a, April 2021 chhung bikah mi 687 hmuh chhuah a ni tawh. Nimin khan hripui laka fihlim tawh mi 23 chhuahtir an ni thung.

Covid-19 vei hmuh thar mi 73-te chu mipa 41 leh hmeichhia 32 an ni a; ZMC laboratory-a hmuh chhuah mi 12, TrueNAT-PCR hmanga hmuh mi panga leh RAT hmanga hmuh mi 56 an ni.

Hripui laka fihlim tawh mi 24 chu nimin khan enkawlna hmun aṭangin chhuahtir an ni a; SRH-ZMC aṭangin mi pakhat, Durtlang BSUP CCC aṭang­in mi 18, State Guest House aṭangin pakhat, Champhai CCC aṭangin pakhat leh Lawngtlai CCC aṭangin mi pathum an chhuak.

Mizoramah Covid-19 vei mi 5,158 hmuh chhuah a ni tawh a, mipa 3,629 leh hmeichhia 1,529 an ni. Nimin tlai dar 5 thleng khan mi 4,600 (89.18%) chhuahtir an ni tawh a, mi 12 (0.23%) thi tawhin, enkawl mek mi 546 ((10.59%) an awm.

April 21, Nilainia Mizorama swab sample endik dan chu, ZMC laboratory-ah 460, TrueNAT-PCR hmangin district pangaah 29 leh RAT hmangin district 10-ah 1,770 a ni a; sample endik zawng zawng chu 2,259 (mipa 1,338 leh hmeichhia 921) niin, chu'ng aṭanga hripui vei hmuh 73 chu 3.23% a tling.

Nilainia Covid-19 vei hmuh chhuah mi 73 zinga mi 50 chu Mizorama kái chhâwng nia hriat niin, mi 23 chu state páwn aṭanga rawn lut hlim leh tun hnaia rawn lutte an ni a; tualchhunga kái mi 50 zingah hri kàina hriat loh 33 an awm. Covid-19 natna lang chhuak mi 38 an awm bawk.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,769 hmuh chhuah a ni tawh a, TrueNAT-PCR hmangin 715 leh RAT hmangin 1,673 hmuh chhuah a ni tawh.

IDSP Bulletin tarlan danin, April 19, 2021 thlengin Mizoramah swab sample 2,82,502 endik a ni tawh a, chu'ng aṭanga Covid-19 positive hmuh tawh zat 5,158 chu 1.81% a ni. Hripui vei hmuh tawh zinga mi 2,518 chu Mizoram chhunga kái chhâwng an ni a, mi 2,640 chu Mizoram páwn aṭanga an rawn luh hnua hmuh chhuah an ni thung.

Covid-19 vei hmuh tharte
ZMC-A HMUH CHHUAH (M-8, H-4)
Dawrpui Vengthar - 2: Mipa kum 29 & 30, symptom nei lo ve ve. Pakhat zawk zin dawn vanga sample endik, pakhat dang April 12-a Silchar aṭanga haw.
Dinthar - 2: Mipa kum 17 & 20, positive contact nei, symptom nei lo.
Khatla - 1: Mipa kum 17, April 10-a Pune aṭanga haw, symptom nei lo.
Maubawk - 2: Mipa kum 58 & hmeichhia kum 25; mipa positive contact nei, symptom nei; hmeichhia CCC-a positive awmpuitu, symptom nei lo.
Republic Vengthlang - 1: Hmeichhia kum 29, symptom neih vanga sample endik.
Sihphir - 1: Hmeichhia kum 23, April 14-a Bangalore aṭanga haw, symptom nei lo.
Thingsulthliah - 2: Mipa kum 59 & hmeichhia kum 17, symptom nei lo ve ve. Mipa positive contact nei, hmeichhia April 14-a Delhi aṭanga haw.
Baktawng - 1: Mipa kum 21, positive contact nei, symptom nei lo.

TRUENAT-PCR HMANGA HMUH (M-3, H-2)
Lunglei Ramthar - 1: Hmeichhia kum 51, tun hnaia Delhi aṭanga haw, symptom nei lo.
Chhaolo, Siaha - 1: Mipa kum 23, April 13-a Delhi aṭanga haw, entry point-ah negative tawh, endik nawn, symptom nei lo.
Zokhawthar - 1: Mipa kum 46, kaina hriat loh, symptom nei lo.
Serchhip IOC Veng - 1: Mipa kum 26, symptom neih vanga endik, kaina hriat loh.
New Serchhip Venglai - 1: Hmeichhia kum 16, symptom neih vanga endik, kaina chhui hriat loh.

RAT HMANGA HMUH (M-30, H-26)
Airport-a hmuh chhuah - 4
Chawlhhmun - 2: Mipa kum 64 & hmeichhia kum 56; Kolkata aṭanga haw, symptom nei lo.
Tuivamit - 1: Mipa kum 37, Andhra Pradesh aṭanga haw, symptom nei lo.
Ṭhuampui - 1: Mipa kum 36, Mumbai aṭanga haw, symptom nei lo.

Aizawla hmuh chhuah - 36
Armed Veng South - 2: Mipa kum 9 & hmeichhia kum 44; positive contact nei, mipain symptom a nei.
Bethlehem Veng - 8: Mipa 6 kum 16-46 inkar, hmeichhia 46 & 50; kaina hriat loh, symptom nei 6.
Bethlehem Vengthlang - 8: Mipa 4 (kum 24-70) leh hmeichhia kum 5, 11, 35 & 46; kaina hriat 2, kaina hriat loh 6, symptom nei vek.
Chawnpui - 2: Mipa kum 55 & hmeichhia kum 50, nupa; April 18-a Guwahati aṭanga haw, pa zawk symptom nei.
Chhinga Veng - 1: Mipa kum 11, positive contact nei, symptom nei.
Dawrpui - 3: Hmeichhia kum 33, 41 & 57; positive contact nei 2, kaina hriat loh 1; symptom nei vek.
Dinthar - 1: Hmeichhia kum 33, symptom neih vanga endik, kaina hriat loh.
Khatla - 1: Hmeichhia kum 23, kaina hriat loh, symptom nei.
Khatla East - 2: Mipa thla 10 & hmeichhia kum 23; thla 10 mi kaina hriat loh, symptom nei lo; hmeichhia kaina hriat loh, symptom nei lo.
Kanan Veng - 1: Hmeichhia kum 68, positive contact nei, symptom nei.
Republic Veng - 1: Mipa kum 34, kaina hriat loh, symptom nei lo.
Lengpui - 2: Mipa kum 58 & 65; positive nei, symptom nei ve ve.
Sakawrdai - 2: Hmeichhia kum 22 & 23; Hyderabad aṭanga April 14-a haw, symptom neih vanga endik.
Samlukhai - 1: Mipa kum 35, kaina hriat loh, symptom nei lo.
Karimganj - 1: Mipa kum 44, Karimganj aṭanga rawn lut, symptom neih vanga endik, kaina hriat loh.
Vairengte Screening-a hmuh - 5
College Veng, Aizawl - 1: Hmeichhia kum 18, Guwahati aṭanga haw, symptom nei lo.
Khatla - 1: Hmeichhia kum 17, Guwahati aṭanga haw, symptom nei lo.
Mission Veng - 1: Hmeichhia kum 17, Guwahati aṭanga haw, symptom nei lo.
Biate - 1: Hmeichhia kum 18, Guwahati aṭanga haw, symptom nei lo.
Lunglei Electric Veng - 1: Hmeichhia kum 19, Shillong aṭanga haw, symptom nei lo.

District danga hmuh - 11
Lunglei Farm Veng - 1: Hmeichhia kum 20, Bangalore aṭanga April 20-a haw, symptom nei lo.
Lunglei College Veng - 1: Mipa kum 12, kaina hriat loh, symptom nei.
Zokhawthar - 2: Mipa kum 20 & hmeichhia kum 63, kaina hriat loh, symptom nei ve ve.
Lawngtlai Bazar Veng - 3: Mipa kum 17 leh hmeichhia kum 27 & 67; kaina hriat loh, symptom nei lo.
Lawngtlai-IV - 1: Mipa kum 54, kaina hriat loh, symptom nei lo.
Kolasib Ṭumpui - 1: Mipa kum 36, April 16-a Guwahati aṭanga haw, Vairengte screening-a negative tawh, a hnua symptom a neih vanga endik.
Hrianghmun - 2: Mipa kum 67 & 70, April 14-a Manipur aṭanga haw, symptom nei ve ve.