National Level Seminar buatsaih

Sorkar laipuiin August 15, 2022-a Independence kum 75-na lo thleng tur lawmna kal mek pualin nimin khan Govt. Hnahthial College chuan an college-ah 'National Level Seminar on Ropuiliani' an buatsaih.

Seminar-ah hian asst. professor Lalrinkimi chuan 'Lalnu Ropuiliani chanchin leh British laka a rilru put hmang tih' sawiin, asst. professor Dr K Lalzuimawia chuan 'Resistance of Ropuiliani to colonial rule in Mizoram' tih a sawi a, heng thupui pahnihte hi sawiho nghal a ni.

Independence kum 75-na lo thleng tur lawmna programme hi Azaadi ka Amrut Mahatsav (India Kum 75 Zalenna Hlimawm Kutpui) tih niin, chawlhkar 75 chhung hman tur a ni a, March 12, 2020 aṭang khan hman ṭan a ni.

Mizoramah pawh he programme kalpui tur hian State Level Committee on Celebration of 75th Anniversary of India's Independence din niin, anni hian hmalakna tur an duang a ni.