Ram dilna pawm rih lo tur

Land Revenue & Settlement department chuan thuchhuah siamin, Lok Sabha inthlanpui zawhfel a nih hma chu Model Code of Conduct hman tur a nih avang­in, ram dilna reng reng pawm rih loh tur a nih thu an tarlang a; an department-a thawk zawng zawngte chu zâwm vek turin an hriattir.

LRS department thuchhuahin a tarlante chu - ram dilna (application) pawm loh tur, ram leilung thar rîn luh belh tura ram luah lai zauh dilna pawmpui loh tur, Court order bawhzuia ram zauh belh emaw, allotment thar siam emaw ṭul a awm chuan MCC Screening Committee kaltlanga Election Commission clearance dil zel tur, tihte a ni. Thupek hian ram neih lai dimension leh ramri tidanglam loa recorded area siamṭhat erawh a huam lo.