Voters Awareness Forum hawng

Chief electoral officer (CEO) Ashish Kundra chuan nimin Rural Development Directorate-ah 'Voters Awareness Forum' (VAF) a hawng. VAF hi Election Commission of India leh Mizoram sorkarin a duh dan angin, election chungchang hriatnate tizau tur leh voter-te'n an vote hlutna te, vote thlak pawimawhnate an hriat theihna tura duan a ni.

CEO Ashish Kundra chuan, vote thlak chu India khua leh tui zawng zawng tihmâkmawh a nih thu sawiin, electoral roll-a awm voter zawng zawng chu MP inthlan awm turah vote thlak ṭheuh turin a ngen.

Hawnna inkhawmah hian additional DC VL Hruaizela Khiangte, DRDA project director V Lalengmawia leh Tlangnuam BDO Andy Lalfakzuala Varte ten election chungchanga hriat tur pawimawh leh sorkar hnathawkte tih tur leh mawhphurhnate an sawi a ni.