SEDP atan cheng nuai 45,000 chuang Budget-ah dah a ni - Robert Romawia

Aizawl East-II bialtu MLA Robert Romawia Royte chuan, miretheite leh harsate dâwm chhuahna tur budget thar­ah SEDP atan cheng nuai 45,000 chuang dah a nih thu a sawi.

Nimina a bial chhung Armed Veng South leh Chhinga Venga MP inthlan atana a campaign-naah Robert Romawia chuan, "Sorkar tharin election manifesto-te a tihlawhtling mek a, mirethei leh harsate dâwm chhuahna tur SEDP pawh ataka kalpui nghal a nih theihna atan kum thar budget-ah cheng nuai 45,000 chuang dah a ni," a ti.

MLA chuan, Congress sorkarin an sorkar aṭanga kum hnuah cheng nuai 23,482-in NLUP a takin an kalpui ṭan thei chauh niin a sawi a; MNF sorkar erawh chuan SEDP atan budget-ah sum a dah nghal a, budget-a cheng nuai 45,000 dah theih a nih chuan Central sum hai luh tur nen term pumpuiah chuan sorkar zar zotu leh changkanpuitu an tam hle dawn niin a sawi bawk.