COVID-19: Mizoram dinhmun Hripui vei 62 hmuh belh a ni

April 22, Ningani khan Mizoramah Covid-19 vei mi 62 hmuh chhuah belh a ni a, tun April thla chhungin mi 744 hmuh chhuah a ni tawh. Nimin khan hripui laka fihlim tawh mi panga chhuahtir an ni thung.

Covid vei hmuh thar mi 62-te chu mipa 29 leh hmeichhia 33 an ni a; ZMC laboratory-a hmuh chhuah pathum, TrueNAT-PCR hmanga district paruka hmuh mi paruk leh RAT hmanga hmuh chhuah mi 53 an ni.

Hripui vei hmuh chhuah thar zingah hian Covid-19 laka invênna damdawi (vaccine) la kim tawh pahnih an tel. Pakhat zawk, Chhinga Venga hmeichhia kum 21 chuan April 19-ah vaccine dose hnihna a la a, pakhat dang, BSF sipai chuan March 27 khan vaccine a la kim tawh. Hetih lai hian, Covid vaccine hi dose hnihna lak aṭanga ni 14 hnua a nih tur angin a thawk chauh niin mithiamte'n an sawi.

Mizoramah Covid-19 vei mi 5,220 hmuh chhuah a ni tawh a, mipa 3,658 leh hmeichhia 1,562 an ni. Nimin tlai dar 5 thleng khan mi 4,605 (88.22%) chhuahtir an ni tawh a, mi 12 (0.23%) thi tawhin, enkawl mek mi 603 (11.55%) an awm.

April 22, Ningania Mizorama swab sample endik dan chu, ZMC laboratory-ah 557, TrueNAT-PCR hmangin district parukah 71 leh RAT hmangin district 11-ah 2,572 a ni a; sample endik zawng zawng chu 3,200 (mipa 1,855 leh hmeichhia 1,345) niin, chu'ng aṭanga hripui vei hmuh 62 chu 2% a ni.

Ningania Covid-19 vei hmuh chhuah mi 62 zinga mi 30 chu Mizorama kái chhâwng nia hriat niin, mi 32 chu state páwn aṭanga rawn lut hlim leh tun hnaia rawn lutte an ni a; tualchhunga kái mi 30 zingah hri kàina hriat loh 17 an awm. Covid-19 natna lang chhuak mi 23 an awm bawk.

Hripui laka fihlim tawh mi panga chu nimin khan enkawlna hmun aṭangin chhuahtir an ni a; chu'ngte chu - Aizawla home isolation-a awm pakhat, Serchhip Nursing School CCC leh Hnahthial CCC aṭangin pakhat ve ve leh Lawngtlai CCC aṭangin pahnih an ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,772 hmuh chhuah a ni tawh a, TrueNAT-PCR hmangin 721 leh RAT hmangin 1,726 hmuh chhuah a ni tawh.

IDSP Bulletin tarlan danin, April 19, 2021 thlengin Mizoramah swab sample 2,85,702 endik a ni tawh a, chu'ng aṭanga Covid-19 positive hmuh tawh zat 5,220 chu 1.83% a ni. Hripui vei hmuh tawh zinga mi 2,548 chu Mizoram chhunga kái chhâwng an ni a, mi 2,672 chu Mizoram páwn aṭanga an rawn luh hnua hmuh chhuah an ni thung.

Covid-19 vei hmuh tharte
ZMC-A HMUH CHHUAH - 3
Bawngkawn - 1: Hmeichhia kum 14, positive contact nei, symptom nei lo.
Chhinga Veng - 1: Hmeichhia kum 14, positive contact nei, symptom nei lo.
Tuikhuahtlang - 1: Hmeichhia kum 24, April 19-a Delhi aṭanga haw, symptom nei.

TRUENAT-PCR HMANGA HMUH - 6
Serkawn, Lunglei - 1: Hmeichhia kum 21, tun hnaia Delhi aṭanga haw, symptom nei lo.
2nd Bn MAP - 3: Mipa kum 37, 38 & 46, positive contact nei, symptom nei lo vek.
Siaha ECM Veng - 1: Mipa kum 38, symptom neih vanga endik, kaina hriat loh.
New Serchhip Venglai - 1: Hmeichhia kum 15, positive contact nei, symptom nei.

RAT HMANGA HMUH - 53
Lengpui Airport-a hmuh - 29
Armed Veng South - 1: Mipa kum 21, Goa aṭanga haw, symptom nei lo.
Bawngkawn - 1: Hmeichhia kum 22, Delhi aṭanga haw, symptom nei.
Chaltlang - 4: Mipa kum 39 leh hmeichhia kum 1, 22 & 30; Jaipur aṭanga haw, symptom nei lo vek.
Chanmari, Aizawl - 1: Mipa kum 16, Delhi aṭanga haw, symptom nei.
Chhinga Veng - 1: Hmeichhia kum 21, Bangalore aṭanga haw, symptom nei lo; April 19-a Covid-19 vaccine 2nd dose la tawh.
Dawrpui Vengthar - 1: Mipa kum 37, Guwahati aṭanga haw, symptom nei lo.
Dinthar - 1: Hmeichhia kum 26, Allahabad aṭanga haw, symptom nei.
Ramhlun North - 1: Hmeichhia kum 19, Delhi aṭanga haw, symptom nei.
Ramthar Veng, Aizawl - 2: Hmeichhia kum 18 & 28, Delhi leh Agra aṭanga haw, pakhatin symptom a nei.
Republic Veng - 1: Hmeichhia kum 15, Delhi aṭanga haw, symptom nei.
Venghlui - 1: Hmeichhia kum 24, Delhi aṭanga haw, symptom nei lo.
Zarkawt - 1: Mipa kum 52, Andhra Pradesh aṭanga haw, symptom nei lo.
Zemabawk - 3: Mipa kum 18, 23 & 27, Goa leh Delhi aṭanga haw, pakhatin symptom a nei.
Sihphir - 2: Mipa kum 29 leh hmeichhia kum 10 & 58; Delhi aṭanga haw, pahnihin symptom an nei.
Lunglei - 2: Hmeichhia kum 20 & 22, Delhi aṭanga haw, symptom nei lo.
Siaha - 2: Mipa leh hmeichhia kum 21; Chennai leh Delhi aṭanga haw, symptom nei lo.
Champhai - 1: Hmeichhia kum 20, Delhi aṭanga haw, symptom nei lo.
Hnahthial - 1: Mipa, Delhi aṭanga haw, symptom nei.
BSF, Serchhip - 1: Mipa kum 32, UP aṭanga rawn lut, symptom nei lol; March 27-a Covid-19 vaccine 2nb dose la tawh.

Aizawl district-a hmuh chhuah - 12
Bethlehem Vengthlang - 1: Mipa kum 27, positive contact nei, symptom nei.
Chaltlang - 1: Hmeichhia kum 30, kaina hriat loh, symptom nei lo.
Chanmari - 1: Hmeichhia kum 69, positive contact nei, symptom nei.
Damveng - 1: Hmeichhia kum 18, kaina hriat chuian loh, symptom nei.
Dawrpui - : Mipa kum 70, symptom neih vanga endik, kaina hriat loh.
Edenthar Veng - 1: Mipa kum 38, symptom neih vanga endik, kaina hriat loh.
ITI Veng - 1: Hmeichhia kum 40, symptom neih vanga endik, kaina hriat loh.
Kulikawn - 1: Hmeichhia kum 29, kaina hriat loh, symptom nei.
Maubawk - 1: Hmeichhia kum 32, kaina hriat loh, symptom nei.
Thakthing Veng - 1: Mipa kum 82, positive contact nei, symptom nei.
Tlangnuam - 1: Mipa kum 32, kaina hriat loh, symptom nei lo.
Lengpui - 1: Hmeichhia kum 25, positive contact nei, symptom nei.

Lawngtlai district-a hmuh - 9
Lawngtlai Chandmary - 7: Mipa kum 2, 7 & 28 leh hmeichhia kum 3, 9, 10 & 31; kaina hriat loh, symptom nei lo vek.
Chawngte - 1: Mipa kum 31, positive contact nei, symptom nei lo.
Borapansury-II - 1: Mipa kum 27, positive contact nei, symptom nei lo.

District danga hmuhte - 3
Tlabung - 1: Mipa kum 37, kaina hriat loh, symptom nei lo.
Chhingchhip Mualpui - 1: Mipa kum 1, positive contact nei, symptom nei lo.
Kanhmun screening - 1: Mipa kum 38, Nagra, Assam aṭanga rawn lut, symptom nei lo.