Zopui Tlang san zawng teh

Champhai College-a Department of Geography, IPR depart-ment leh Sazep Branch YMA-te chuan April 22, Ningani khan tlang sàn záwng zirchianna (elevation survey) neiin Khawbung RD Block chhunga Myanmar ramri depa awm, Zopui Tlang sang lai ber Sazep rama mi an teh.

Tlang sàn zawng tehna Garmin GPS Etrex hmangin Zopui Tlang sang lai bera ngaih latitude 23°N 15' 54" leh longtitude 93° E 19'41" chu an teh a, ft. 6,462 a sang a ni.

Champhai College chuan, March 30, 2021 khan Khawbung RD Block huam chhunga Myanmar ramri depa awm tho Lurh tlang pawh an lo teh tawh a, ft. 6,295 a ni tih an finfiah a ni.