ASF vangin vawk 1,193 thi tawh

Vawk hri, African Swine Fever (ASF) vangin Mizoramah nimin thleng khan vawk 1,193 a thi tawh a; khua/veng pariatah a chhan hriat loha thi vawk 166 a awm bawk.

Animal Husbadry & Veterinary (AH&Vety) department tarlan danin, tun hnaiah ASF infected area ni lo khua/veng pariatah chhan hriat lohin vawk 166 a thi a; chu'ng vawkte thih chhan chu an la finfiah loh thu an sawi rualin, ASF vang a nih an rin thu AH&Vety hotute chuan an sawi.

AH&Vety department chhinchhiah danin, tun hnaia Mizorama ASF lènna hmun 12-ah nimin thleng khan vawk 1,193 a thi tawh a, chutih laiin, vawk la thi ve lo 3,431 a awm mek bawk.

Tun hnaia chhan hriat loh hmun hrang hranga nimin thlenga vawk thih dan chu - Chawngte-ah 90, Durtlang, Muanna Veng leh Zuangtuiah 16, Serchhipah pali, Zemabawkah panga, Lungleiah 49 leh Chhinga Vengah pahnih a ni a; a vaiin vawk 166 a ni.