Sangauah mikhualte sample endik rél

Sangau khuaa village task force leh tlawmngai pawl hruaitute chu Sangau SDO (Civil) Samuel Zodinsanga hoin nimin khan Sangau RD block meeting hall-ah an ṭhukhawm a; Sangau leh a chhehvela mikhual lutte chu RAT hmanga swab sample endik zel tura hmalak an rél.

Ṭhutkhawmah hian, Mizoram sorkar inkaihhruaina leh Lawngtlai DC-in an district tana kaihhruaina a tihchhuahte chu khauh taka kenkawh a nih theih nan hmalak dan tur sawiho a ni a; tun hnaia Sangau leh a chhehvel - Pángkhua, Sentetfiang leh Thaltlang khuaa mikhual lutte chu swab sample endiktir vek tura hmalak an rêl a ni.

Sangau SDO(C) chuan Sangau, Pángkhua, Sentetfiang leh Thaltlang khuaa hman turin hriattirna a tichhuak nghal a, "Mizoram sorkar leh Lawngtlai DC aṭanga SOP siam chu strick taka kenkawh ṭheuh tur a ni," a ti.

SDO-in a tarlan danin, mahni khua ṭheuhah tun hnaia lut thar leh awm tharte zawng chhuak a, chu'ng mite awmna chhungkuaa mi pakhat ṭheuh sample endik tur a ni a, list siamin, SDO hnenah a rang thei ang bera hriattir turin village task force-te hriattir an ni.