COVID-19 VANGIN THI

Vanglaini 23.4.2021. 9:45 p.m.

Pi Zasangi (kum 74) m/o Lalnuntluangi, Laipuitlang chu zanin dar 7:30 vel khan Tata Medical Centre, New Town, Kolkata-ah Covid-19 vangin a thi. Kolkata-a Mizote hnen atanga thu dawn danin, Pi Zasangi hi chuap cancer a ni a, kumin April 14 khan zai a ni. Zai a nih hnuah Covid-19 positive a ni tih hmuh chhuah a ni a, zanin dar 7:30 khan a thi. A ruang Aizawlah hawpui theih a nih dawn leh dawn loh hriat a la ni lo a, Mizoram House Joint Resident Commissioner Jacob Lalawmpuia, Calcutta Mizo Welfare Association leh Kolkata Mizo Students' hruaitute'n an buaipui mek a ni.