Congress sorkar inthlahdah vangin CAB a hlauhawm - Lalruatkima

MNF party-a general secretary Lalruatkima, minister of state chuan nimin khan Mizo Hnam Runa inkhawmah thu sawiin, Citizenship Amendment Bill (CAB) hlauhawm em em chhan chu Congress sorkar in­thlah­dah vang niin a sawi.

Lalruatkima chuan, kum 10 chhung Congress sorkarin ram dang aṭanga Mizorama pêm lutte a ngaihthah nia sawiin, "Anmahni lo dan emaw, chhinchhiah emaw a awm lo a, an chungchangah hmalakna a kalpui loh vang a ni," a ti.

MNF sorkarin Ass­em­bly session hma­sa berah 'The Mizoram Maintanance of House­hold Registers Bill 2019' a pass nghal thu sawiin Lalruatkima chuan, "He dan hi ram dang aṭanga Mizoram rawn lutte chhinchhiahna tur a ni a, khua leh tui dik leh dik lo khaw tinah chhinchhiah a ni dawn. He dan hi Congress sorkar khan lo siam se chuan CAB hi a hlauhawm lo hial awm e," a ti a; CAB tihtawp a nih theih nan MNF-in theihtawp a chhuah niin a sawi.

Lalruatkima chuan, Lok Sabha inthlan leh Assembly bye-election atana ṭangrual intite chu an ṭangrual lo hle niin a sawi a; Mizorama eptu pawlte chu CAB bak sawi tur an neih loh thu te, MNF chu nationalism kengtu an nih thute a sawi bawk.