Mizoramah Covid-19 vei enkawl mek tam lai ber a thleng
April 24, Inrinni bikah khan mi 105 hmuh chhuah a ni a, nikum September 21 hnua hmuh chhuah tam ber ní a ni. Nimin khan Mizoramah hripui vei mek (active case) 712 an awm a, Mizorama hri vei enkawl mek an tam ber lai a ni bawk.
April 23-24 chhung khan Mizoramah Covid-19 vei mi 168 hmuh chhuah a ni a; April 23-ah mi 63 hmuh chhuah niin, April 24-ah mi 105 hmuh belh leh a ni. Hetih lai hian, nimin khan dam tawh mi pariat chhuahtir leh an ni.
Zirtawpnia hmuh chhuahte chu ZMC laboratory-a hmuh mi 32, TrueNAT-PCR hmanga hmuh mi pahnih leh RAT hmanga hmuh chhuah mi 29 an ni a; Inrinnia hmuh belh mi 105-te chu ZMC-a hmuh mi 48 leh RAT-a hmuh mi 57 niin, TrueNAT-PCR hmanga endik zingah hripui vei an awm lo.
Hripui vei Inrinnia hmuh chhuah 105 hi nikum September 21-a mi 106 hmuh chhuah hnua hmuh chhuah tam ber ní a ni a, nikum September 9 khan mi 141 hmuh chhuah niin, hengte hi ni khat thila Covid-19 positive hmuh chhuah tam níte a ni.
Nimin khan Mizoramah hripui vei enkawl mek mi 712 an awm a, Mizorama hri vei enkawl mek an tam ber lai a ni. A hmaa hripui vei enkawl mek tam ber lai, September 22-a 668 chu nimina enkawl mek zat hian a khûm a ni.
Mizoramah Covid-19 vei mi 5,388 hmuh chhuah a ni tawh a, mipa 3,748 leh hmeichhia 1,640 an ni. Nimin tlai dar 5 thleng khan mi 4,671 (86.69%) chhuahtir an ni tawh a, mi 13 (0.24%) thi tawhin, enkawl mek mi 704 (13.07%) an awm.
April 23, Zirtawpnia Mizorama swab sample endik dan chu, ZMC laboratory-ah 720, TrueNAT-PCR hmangin district pasarihah 90 leh RAT hmangin district 11-ah 1,182 a ni a; sample endik zawng zawng chu 1,991 (mipa 1,089 leh hmeichhia 903) niin, chu'ng aṭanga hripui vei hmuh 63 chu 3.16% a ni.
Zirtawpnia Covid-19 vei hmuh chhuah mi 63 zinga mi 56 chu Mizorama kái chhâwng nia hriat niin, mi pasarih chu state páwn aṭanga rawn lut hlim leh tun hnaia rawn lutte an ni a; tualchhunga kái mi 56 zingah hri kàina hriat loh 12 an awm. Covid-19 natna lang chhuak mi 19 leh naupang kum tling lo pasarih an awm bawk.
April 24, Inrinnia Mizorama swab sample endik dan chu, ZMC-ah 1,007, TrueNAT-PCR hmangin district paliah 78 leh RAT hmangin district 10-ah 1,215 a ni a; sample endik zawng zawng chu 2,300 (mipa 1,277 leh hmeichhia 1,023) niin, chu'ng aṭanga hripui vei hmuh 105 chu 4.56% a ni.
Inrinnia Covid-19 vei hmuh chhuah mi 105 zinga mi 70 chu Mizorama kái chhâwng nia hriat an ni a, chu'ng zingah chuan hri kàina hriat loh mi 14 an awm. Covid-19 natna lang chhuak mi 27 an awm a; naupang kum tling lo eng emaw zat awmin, nausen thla 10 mi, naupang kum 2, 4 leh 5 mite an tel bakah, pitar kum 97 mi a tel bawk.
Inrinni khan hripui laka fihlim tawh mi 36 chhuahtir an ni a; nimin khan SRH-ZMC aṭangin mi panga leh Serchhip Nursing School CCC aṭangin mi pathum chhuahtir leh an ni. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,852 hmuh chhuah a ni tawh a, TrueNAT-PCR hmangin 723 leh RAT hmangin 1,812 hmuh chhuah a ni tawh.
IDSP Bulletin tarlan danin, April 19, 2021 thlengin Mizoramah swab sample 2,89,995 endik a ni tawh a, chu'ng aṭanga Covid-19 positive hmuh tawh zat 5,388 chu 1.85% a ni. Hripui vei hmuh tawh zinga mi 2,672 chu Mizoram chhunga kái chhâwng an ni a, mi 2,716 chu Mizoram páwn aṭanga an rawn luh hnua hmuh chhuah an ni thung.
April 23-A HMUH CHHUAH
ZMC Laboratory-ah (M-17, H-15)
Khua/Veng Hmuh zat
Armed Veng 1
Bethlehem Veng 8
Bethlehem Vengthlang 1
Chanmari 1
Hlimen 1
Kanan Veng 3
Khatla 1
MZU Campus 1
Nursery Veng 1
Ramrikawn 1
Ramhlun North 1
Ramhlun South 1
Tuikhuahtlang 2
Thakthing 3
Tlangnuam 1
Vaivakawn 1
Zotlang 1
Muallungthu 1
Sihphir 1
Lawngtlai 1
TrueNAT-PCR test
2nd Bn MAP 2
RAT-a hmuh
Bethlehem Vengthlang 1
Chhinga Veng 2
Dawrpui Vengthar 1
Dinthar 3
Nursery Veng 7
Republic Veng 1
Lengpui 5
Champhai Vengthar 2
Kamalanagar-I 3
Kamalanagar-III 1
Saikah 2
Lawngtlai Vengpui 1
April 24-A HMUH CHHUAH
ZMC-a hmuh (M-20, H-28)
Khua/Veng Hmuh zat
Armed Veng South 2
Bawngkawn South 2
Bethlehem Vengthlang 7
Chanmari 1
Damveng 10
Dinthar 6
Falkland Veng 1
Govt. Complex 1
Khatla 1
Kulikawn 3
Melthum 1
Mission Vengthlang 2
Saikhamakawn 3
Tuikhuahtlang 2
Lengpui 5
Khawmawi 1
RAT-a hmuh
Lengpui Airport: 29
Aizawl Venglai 1
Armed Veng 1
Bawngkawn South 2
Bethlehem Vengthlang 1
Chaltlang 1
Dawrpui Vengthar 1
Dinthar 1
Durtlang 2
Kulikawn 1
Mission Veng 1
Mission Vengthlang 1
Ramthar, Aizawl 1
Republic Veng 2
Salem Veng 1
Tuikhuahtlang 1
Ṭhuampui 2
Vaivakawn 1
Zarkawt 1
Zemabawk 1
Sihphir 1
Lengpui 1
Siaha 3
Champhai 1
Aizawl district: 22
Lengpui 2
Chanmari 4
Zarkawt 3
Salem Veng 1
Dawrpui Vengthar 4
Khatla 1
Tuikual North 1
Saron Veng 1
Ramhlun South 3
Upper Republic 1
Bethlehem Veng 1
Kolasib district: 4
Vairengte screening 3
Kolasib Hmarveng 1
Lawngtlai district: 2
Zorinpui 2
