Swab sample lak dan tur thar

Aizawl DC Dr Lalhriatzuali Ralte chuan, April 24, Inrinni khan Aizawl district-a swab sample lak dan tur chung­changah thuchhuah a siam a; LTF/VTF-te'n format hmanga an thehluh, sample lak tur list-a mi chauhte swab sample lak tawh tur a nih thu a tarlang.

Bawrhsap chuan, community qua­ran­tine facility (CQF) atan T Romana College, KVM High School leh Laipui­tlang Anganwadi Training Center-te siam belh a ni thu a puang bawk.

Sample lak dan tur
1. Covid-19 positive contact avanga home quarantine lai leh phai aṭanga haw, home quarantine mekte sample la turin mahni bialtu CMO-ah emaw, Integrated Disease Surveillance Project (IDSP)-ah emaw LTF/VTF-te'n report an thehlut tur a ni.
2. Report hi CMO Aizawl East leh Aizawl West-te'n format an siam hmanga thehluh ṭhin tur.
3. Sample lak hun hi positive contact neih ní emaw, Mizorama luh ní aṭanga ni 7-10 inkarah a ni ang.
4. Inkhung hrang turte'n mahni veng LTF/VTF hnenah inhriattir tur a ni.
5. LTF/VTF-te'n format hmanga an thehluh, sample lak tur list-a mite lo chu sample laksak a ni tawh lo ang.
6. LTF/VTF-te list thehluh hmasak dan indawt zelin sample lak tur a ni.
7. List felfai leh kimchang tak chauh thehluh a nih theih nan home quarantine-a awm leh positive contact neite'n LTF/VTF hnenah an nihna dik tak an hriattir tur a ni.