Kan insawn thei reng -AR CO

Aizawl khawpui lailia awm 46 Assam Rifle commander Col. Viplav Tripathi chuan, Zokhawsanga an awmna hmun tur peih a nih hun huna insawn chhuak tura an inpeih reng thu a sawi.

Vanglaini palai zawhna chhangin Col. Viplav Tripathi chuan, Zokhawsanga insawn turin harsatna an neih loh thu a sawi a, "Mizoram sorkar lamin kan hmunhma tur an la peih lo a, an peih veleh kan insawn ang. Keini chuan insawn vat vat kan duh zawk a, insawn vat kan chak," a ti.

AR Commandant chuan, Zokhawsanga awm chu an tan kawng tam takah a that zawkna tur a awm thu sawiin, "Facility leh thil dang kawng tam taka thil a awlsamin a tha zawk dawn a ni," a ti a; an mi leh sa thenkhat chu Zokhawsang lamah an insawnnna a rei tawh thu a sawi.