COVID-19: Mizoram dinhmun : April-ah hripui vei 934 hmu tawh
April 25, Pathianni khan Mizoramah Covid-19 vei mi 22 hmuh chhuah a ni a, April thla chhungin mi 934 hmuh chhuah a ni tawh. Nimin khan hripui laka fihlim tawh mi 59 chhuahtir an ni.
Covid-19 vei hmuh thar mi 22-te chu mipa 12 leh hmeichhia 10 an ni a, TrueNAT-PCR hmanga hmuh chhuah mi pakhat leh RAT hmanga hmuh chhuah mi 21 an ni. ZMC laboratory-ah swab sample endik a ni lo.
Nimin khan Mizoramah hripui vei enkawl mek mi 726 an awm a, Mizorama hri vei enkawl mek an tam ber lai a thleng leh a, a hma nia mi 712 chu a khûm leh a ni. Nikuma hripui vei enkawl mek tam ber lai chu September 22 niin, mi 668 enkawl an awm a ni.
Mizoramah Covid-19 vei mi 5,410 hmuh chhuah a ni tawh a, mipa 3,760 leh hmeichhia 1,650 an ni. Nimin tlai dar 5 thleng khan mi 4,730 (87.43%) chhuahtir an ni tawh a, mi 13 (0.24%) thi tawhin, enkawl mek mi 667 (12.33%) an awm.
April 25, Pathiannia Mizorama swab sample endik dan chu - TrueNAT-PCR hmangin Mamit leh Saitualah 20 leh, RAT hmangin district parukah 431 a ni a; sample endik zawng zawng chu 451 niin, chu'ng aṭanga hripui vei hmuh 22 chu 4.88% a ni.
Pathiannia Covid-19 vei hmuh chhuah mi 22 zinga mi 17 chu Mizorama kái chhâwng nia hriat an ni a, chu'ng zingah chuan hri kàina hriat loh mi pasarih an awm. Covid-19 natna (symptom) lang chhuak mi 12 an awm bawk.
Nimin khan hripui laka fihlim tawh mi 59 chhuahtir an ni a; SRH-ZMC aṭangin mi pahnih, Durtlang BSUP CCC aṭangin mi 19, State Guest House aṭangin pathum, SIRD Pûkpui CCC aṭangin 21, Champhai CCC aṭangin pakhat, Kolasib SIRD CCC aṭangin pali, Serchhip Nursing School CCC aṭangin pahnih leh Lawngtlai CCC aṭangin pasarih an chhuak.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,852 hmuh chhuah a ni tawh a, TrueNAT-PCR hmangin 724 leh RAT hmangin 1,833 hmuh chhuah a ni tawh.
April 25, 2021 thlengin Mizoramah swab sample 2,90,446 endik a ni tawh a, chu'ng aṭanga Covid-19 positive hmuh tawh zat 5,410 chu 1.86% a ni. Hripui vei hmuh tawh zinga mi 2,689 chu Mizoram chhunga kái chhâwng an ni a, mi 2,721 chu Mizoram páwn aṭanga an rawn luh hnua hmuh chhuah an ni thung.
Covid-19 vei hmuh tharte
TRUENAT-PCR-A HMUH
Saitual - 1: Mipa kum 25, tun hnaia Delhi aṭanga haw, symptom nei lo.
RAT HMANGA HMUH
Aizawl district-a hmuh: 12
Bawngkawn - 1: Hmeichhia kum 31, symptom vanga sample endik, kaina hriat loh.
Bethlehem Vengthlang - 1: Hmeichhia kum 72, symptom neih vanga endik, kaina hriat loh.
Chanmari - 2: Mipa kum 24 & 59, symptom neih vanga sample endik, hri kaina hriat loh.
Dinthar - 4: Mipa kum 1 & 36 leh hmeichhia kum 35 ve ve; positive contact vek, symptom nei 3.
Kulikawn - 1: Hmeichhia kum 29, positive contact nei, symptom nei.
Saron Veng - 1: Hmeichhia kum 36, positive contact, symptom nei.
Zarkawt - 1: Mipa kum 12, symptom neih vanga sample endik, hri kaina hriat loh.
Lengpui - 1: Mipa kum 24, positive contact nei, symptom nei.
Vairengte screening-a hmuh: 4
Mission Vengthlang - 1: Hmeichhia kum 46, Kolkata aṭanga haw, symptom nei lo.
Ramthar Veng, Aizawl - 1: Hmeichhia kum 36, Silchar aṭanga haw, symptom nei lo.
Zemabawk - 1: Mipa kum 25, Silchar aṭanga haw, symptom nei lo.
Punjab - 1: Mipa kum 27, hnam dang Punjab state mi, symptom nei lo.
Lawngtlai district-a hmuh: 4
Kamalanagar-I - 1: Mipa kum 47, positive contact nei, symptom nei lo.
Kamalanagar-III - 3: Mipa kum 25 leh hmeichhia kum 21 & 35; positive contact, symptom nei lo vek.
Hnahthiala hmuh: 1
Thiltlang - 1: Mipa kum 27, BIPL camp, Thiltlanga awm. symptom nei, kaina hriat loh.
