Silchar-a Mizo driver tangkhang hruai haw turin sorkar an phût

Mizoram Pradesh Youth Congress Commit­tee (MPYCC) chuan thu­chhuah siamin, Mizo­ram leh Assam inkara buai­na vanga Mizo lirthei khalhtu, Silchar Mizoram House-a tangkhang mékte chu a rang lama hruai haw turin Mizoram sorkar an phût.

MPYCC chuan, October 31, 2020-a Mamit DC leh Karimganj DC-te inbiaknaa Mizo mipui rilru natna chu mawha la ngam turin sorkar an phût a, "Sorkar official-te state dang nena inbe tura sorkarin a tirhte hi thu ken neihtir saa kal an ni tih hi thu chiang sa a ni. State pahnih ramri inkara buainaah hian Mizoram sorkar dinhmun enin, a luhaithlak hle tih kan hriatpui a, buaina avanga Mizoram mipui tawrhna pawh pawi kan ti tak zet a ni," an ti.

Mizoram ramri buai, Covid-19 darh mek leh sum dinhmun tlachhe mek avanga mipui harsatna nasa tak thleng mekah hnam anga ṭan rual a pawimawh tak zet tih sawiin MPYCC chuan, an phâk tâwka sorkar ṭawiawm turin mipui an ngen bawk.