Covid-19 vei mi 103 hmuh belh : April-ah mi 1,037 hmuh a ni tawh

April 26, Thawhṭanni khan Mizoramah Covid-19 vei mi 103 hmuh chhuah a ni a, April thla chhungin mi 1,037 hmuh chhuah a ni tawh. Nimin khan hripui laka fihlim tawh mi pathum chhuahtir an ni thung.

Covid-19 vei hmuh thar mi 103-te chu mipa 60 leh hmeichhia 43 an ni a; ZMC laboratory-a hmuh chhuah mi 37, TrueNAT-PCR hmanga hmuh pakhat leh RAT hmanga hmuh chhuah mi 65 an ni.

April thla chhungin hripui vei mi 1,037 hmuh chhuah a ni tawh a, nikum November thlaa hmuh chhuah zat 1,089 a la pha lo a, thla danga hmuh chhuah zat chu a khûm vek tawh. Nimin khan positive enkawl mek mi 770 an awm a, Mizorama hripui vei enkawl mek an tam ber lai a thleng leh a ni.

Mizoramah Covid-19 vei mi 5,513 hmuh chhuah a ni tawh a, mipa 3,820 leh hmeichhia 1,693 an ni. Nimin tlai dar 5 thleng khan mi 4,733 (85.85%) chhuahtir an ni tawh a, mi 13 (0.24%) thi tawhin, enkawl mek mi 767 (13.91%) an awm.

April 26, Thawhṭannia Mizorama swab sample endik dan chu - ZMC laboratory-ah 783, TrueNAT-PCR hmangin district pariatah 78 leh, RAT hmangin district parukah 2,627 a ni a; sample endik zawng zawng chu 3,488 (mipa 2,251 leh hmeichhia 1,337) niin, chu'ng aṭanga hripui vei hmuh 103 chu 3.00% a ni.

Thawhṭannia Covid-19 vei hmuh chhuah mi 103 zinga mi 62 chu Mizorama kái chhâwng nia hriat an ni a, mi 41 chu state páwn aṭanga tun hnaia lut leh lut hlim an ni. Tualchhunga kái zingah hri kàina hriat loh mi 21 an awm. Covid-19 natna (symptom) lang chhuak mi 34 an awm bawk.

Nimin khan hripui laka fihlim tawh mi pathum chhuahtir an ni a; SRH-ZMC, Kolasib SIRD CCC leh Serchhip Nursing School CCC aṭangin mi pakhat ṭheuh an chhuak. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,889 hmuh chhuah a ni tawh a, TrueNAT-PCR hmangin 725 leh RAT hmangin 1,898 hmuh chhuah a ni tawh.

April 26, 2021 thlengin Mizoramah swab sample 2,93,934 endik a ni tawh a, chu'ng aṭanga Covid-19 positive hmuh tawh zat 5,513 chu 1.88% a ni. Hripui vei hmuh tawh zinga mi 2,751 chu Mizoram chhunga kái chhâwng an ni a, mi 2,762 chu Mizoram páwn aṭanga an rawn luh hnua hmuh chhuah an ni thung.

Covid-19 vei hmuh tharte
ZMC-a hmuh chhuah - 37
Armed Veng - 2: Mipa kum 33 & hmeichhia kum 56, positive contact, symptom nei lo.
Bethlehem Veng - 2: Mipa kum 27 & 39, positive contact, symptom nei lo.
Bethlehem Vengthlang - 2: Mipa kum 39 & hmeichhia kum 20; positive contact, symptom nei lo.
Chaltlang Lily Veng - 1: Mipa kum 40, symptom nei lo.
Bawngkawn - 2: Hmeichhia kum 18 & 58; kum 18 mi Guwahati aṭanga haw, kum 58 mi positive contact, symptom nei lo ve ve.
Chhinga Veng - 1: Hmeichhia kum 59, positive contact, symptom nei lo.
College Veng - 2: Mipa kum 10 & hmeichhia kum 41; positive contact, symptom nei lo.
Damveng - 4: Mipa kum 10, 23 & 47 leh hmeichhia kum 1; positive contact, symptom nei lo.
Dawrpui - 1: Mipa kum 73, positive contact, symptom nei lo.
Edenthar Veng - 6: Mipa 3 kum 7, 14 & 15 leh hmeichhia kum 15, 16 & 45; positive contact, symptom nei lo vek.
Electric Veng - 2: Mipa kum 4 & 36; positive contact, symptom nei lo.
Ramthar Veng - 1: Hmeichhia kum 50, inrinhlelh vanga endik, symptom nei lo.
Tuikual South - 1: Mipa kum 55, inrinhlelh vanga endik, symptom nei lo.
Selesih - 1: Mipa kum 43, tun hnaia Guwahati aṭanga haw, symptom nei.
Lengpui - 1 : Mipa kum 28, positive contact, symptom nei lo.
CRPF camp, Tuirial - 8: CRPF mi kum 30-42 inkar, tun hnaia state pawn aṭanga lut, symptom nei lo vek.
TrueNAT-PCR-a hmuh - 1
Lunglei Theiriat - 1: Mipa kum 35, tun hnaia Delhi aṭanga haw, symptom nei lo.

RAT hmanga hmuh - 65
Aizawl district-a hmuh: 28
Armed Veng South - 1: Hmeichhia kum 58, symptom neih vanga endik, kaina hriat loh.
Bawngkawn - 1: Hmeichhia kum 45, symptom neih vanga endik, kaina hriat loh.
Bethlehem Veng - 1: Hmeichhia kum 31, kaina hriat loh, symptom nei.
Bungkawn Vengthar - 1: Mipa kum 32, kaina hriat loh, symptom nei lo.
Chanmari - 1: Hmeichhia kum 58, positive contact, symptom nei.
Chhinga Veng - 1: Hmeichhia kum 43, kaina hriat loh, symptom nei.
Durtlang North - 1: Mipa kum 14, April 26-a Delhi aṭanga thleng, symptom nei lo.
Kulikawn - 1: Hmeichhia kum 25, symptom neih vanga endik, kaina hriat loh.
Ramhlun South - 1: Hmeichhia kum 22, positive contact, symptom nei.
Salem Veng - 5: Mipa kum 14-22 inkar, kaina hriat loh, symptom nei lo vek.
Tuikhuahtlang - 1: Hmeichhia kum 28, symptom neih vanga endik, kaina hriat loh.
Tuikual South - 1: Hmeichhia kum 18, tun hnaia Dehradun aṭanga haw, Aizawla symptom neih vanga endik.
Sihphir Venghlun - 10: Mipa 4 (kum 7-31) & hmeichhia 6 (kum 13-67); positive contact vek, symptom nei 9.
Shivalaya Constructions - 2: Mipa kum 21 ve ve, Shivalaya Constructions camp, Darlawnga awm mek, kaina hriat loh, symptom nei ve ve.

Lengpui Airport-a hmuh - 21
Delhi aṭangin - 11: Mipa 7 & hmeichhia 4, kum 4- 58 inkar; Republic Veng mi 2, Khatla mi 2, Seling mi 2, Bawngkawn mi 3, Ramhlun North mi 1, Sateek mi 1. Symptom nei 4 an awm.
Dehradun aṭangin - 2: Mipa kum 14 & hmeichhia kum 16; Dawrpui Vengthar leh Ramhlun Veng mi, symptom nei lo.
Assam Rifles - 2: Mipa kum 38 & 43, Dehradun leh Jaipur aṭanga rawn lut, symptom nei lo.
Uttar Pradesh aṭangin - 1: Hmeichhia kum 22, Zuangtui mi, symptom nei.
Bangalore aṭangin - 1: Hmeichhia kum 21, Mission Vengthlanga mi, symptom nei.
Chandigarh aṭangin - 2: Hmeichhia kum 2 & 25 nufa; Dinthar Veng mi, symptom nei ve ve.
Haryana aṭangin - 2: Hmeichhia kum 15 & 48, Champhai khua, symptom nei lo.

Mamit district-a hmuh - 6
Zawlnuam - 6: Mipa kum 30, 32, 39 & 63 leh hmeichhia kum 26 & 57; tualchhunga kai 5, an kaina hriat loh; Tripura aṭanga haw 1. Symptom nei 3 an awm.

Vairengte Screening - 4
Zemabawk - 1: Mipa kum 14, Guwahati aṭanga haw, symptom nei lo.
Champhai - 1: Hmeichhia kum 72, Delhi aṭanga haw, symptom nei lo.
Manipur - 1: Mipa kum 47, Kolkata aṭanga kal, Manipur lam mi, symptom nei lo.
Gujarat - 1: Mipa kum 45, Silchar aṭanga lut, symptom nei lo.

Champhaia hmuh - 1
Lianpui - 1: Mipa kum 23, kaina hriat loh, symptom nei lo.

Serchhip district-a hmuh - 1
Thenzawl - 1: Mipa kum 33, April 19-a Delhi aṭanga haw, symptom nei lo.

Lawngtlai district-a hmuh - 4
Saizawh - 1: Mipa kum 25, positive contact, symptom nei lo.
Borapansury-I - 2: Mipa kum 80 & hmeichhia kum 64, positive contact, symptom nei ve ve.
Kamalanagar-III - 1: Hmeichhia kum 32, positive contact, symptom nei lo.