Checkgate paltlang dan tur tichhuak

Kolasib district magistrate Dr H Lalthlangliana chuan, state páwn aṭanga Mizorama lut turte tan Phaisen leh Saiphai checkgate paltlang dan turah hriattirna a chhuah.

Kolasib Magistrate thupek hi Phaisen checkgate-ah hman ṭan nghal tur a ni a, Saiphai checkgate-ah erawh chuan May 3, 2021-ah hman ṭan tur a ni.

Phaisen checkgate
1. Pathianni tiam loin chawlhkar tluanin chawhma dar 10 leh tlai dar 6 inkarah hawn a ni ang.
2. Screening & swab test chu gate hawn hun chhungin neih tur a ni.
3. Emergency-a gate hawn hun ni loa luh ngai an awm chuan, CMO, Phaisen Zonal Magistrate leh police-te'n ruahmanna an siam ang.
4. Screening point-a Covid-19 negative leh dan anga ILP ngai chi an nih chuan, ILP permit nung (valid) nei chauh luhtir tur.
5. Gate hawn hun chhung ni loah passenger phur lirthei luh phal a ni lo a, mipui ni tin mamawh phur erawh chu luh phal a ni.

Saiphai checkgate
1. Thawhlehni leh Zirtawpni zing dar 8 leh tlai dar 4 inkarah gate hawn a ni ang.
2. Gate hawn hun chhungin screening & swab test-te tih tur a ni.
3. Screening point-a Covid-19 negative leh dan anga ILP ngai chi an nih chuan, ILP permit nung (valid) nei chauh luhtir tur.