Zangnadawmna atana sum luangral PC-in pawi an ti

Peoples Conference party chuan thuchhuah siamin, Tuirial Hydel Project siamnaah zangnadawmna dik lo taka la leh lâk zel tum mi ṭhenkhat vanga mipui sum luang ral chu pawi an tih thu an tarlang a, "Tuirial compensation vanga mipui leh environment tawrhna zual zel hi a pawi," an ti.

PC party chuan, Tuirial HEP kalpuinaah dik lo taka zangnadawmna la leh lak zel tum mi ṭhenkhat an awm nia sawiin, "Tuirial HEP siamna aṭanga a hun laia mi thil ti thei ṭhenkhatin dik lo taka sum lâk luh tuma ram pass lem tam tak siama compensation an dil avangin mipui sum tam tak ṭul loa khawh ral a lo ni tawh," an ti a; sorkarin hma a lak a ṭul thu an tarlang.

PC party chuan, "Hemi kaihhnawiha luipui dung ram humhalhna kawnga kan ram a hnungtawlh hi kan tawrh nasat lutuk hmaa Chief Minister a inngaihtuah nawn a, sorkarin hma a lak a ngai a ni," an ti.